لراوبر ویب پاڼه لراوبر يو افغان – تازه خبرونه
په بلوچستان کي پر حکومت پلوه وسلوالي ډلي حمله سوې او ګڼ کسان پکي هلاک سوي دي.
د بلوچستان په ډېره بګټي سيمه کي تېره شپه وسلوالو د حکومت پلوه مليشو پر يوې پوسته بريد کړی دی، چي په کي ۱۱ تنه حکومتي منسوبين هلاک سوي او ګڼ شمېر نور ژوبل دي.
د راپورونو له مخي بريد د شپې مهال پر يوې قرارګاه سوی او هلته مېشت ځايي ملیشه ځواکونه چي د حکومت په ملاتړ په سيمه کي دېره دي وژل سوي دي.
د بريد پړه کومي وسلوالي ډلي پرغاړه نه ده اخيستې، خو په بلوچستان کي د بلوڅ بيلتونپالو جنګيالي وخت ناوخته پر پاکستاني پوځيانو او حکومتي منسوبينو حملې کوي.
