کور / راپور / نيمروز کي پوليسو دوه تعويذګران نيولي دي

نيمروز کي پوليسو دوه تعويذګران نيولي دي

د نيمروز امنيه قومنداني وايي، چي د جرمونو سره د مبارزې ځانګړو پوليسو دوه تنه داسي تعويذګران نيولي، چي خلګ يې له دې لاري تېرايستل او هغوی ته يې مالي او ځاني زيان اړوی.

د امنيه قومنداني څخه په خپره سوې اعلاميه کي راغلي، چي دغه کسانو کوښښ کاوه چي د تعويذ ليکني له لاري ښځي تېر باسي او د هغوی سره غير شرعي اړیکي ټينګي کړي.

اعلامیه زياتوي، چي دغه کسان د خلګو کورنو ته ورتلل او هلته يې خپلې شمېرې ددې لپاره ورکولې، چي ګڼي دوی د بې اولادۍ، نصيب، طالع او پېريانو اړوند ناروغيو علاج کوي.

نيول سويو کسانو اعتراف کړی او ويلي يې دی، چي په هرات ولايت کي يې هم ډېر کسان تېرايستلي دی.

.