لراوبر ویب پاڼه لراوبر يو افغان – تازه خبرونه
د پښتون ژغورني غورځنګ د مشر منظور پښتين نيول کيدو په پراخه کچه غبرګونونه راپارولي دي او د هغه د سمدستي خوشي کولو غوښتني کېږي.
پاکستاني پوليسو د جنورۍ پر ۲۷ د شپې شاوخوا ۲ بجې د پښتون ژغورني غورځنګ مشر منظور پښتين په پېښور کي ونيوی.
د پي ټي ايم مخکښ او په مرکزي پارلمان کي د جنوبي وزيرستان استازي محسن داوړ د ښاغلي پښتين د نيولو پخلی کړی او ويلي يې دي، چي دا د پاکستاني رياست لخوا دوی ته د جائز حق غوښتني سزا ورکول دي.
ښاغلي داوړ ويلي، چي د منظور پښتين نيول کيدل به دوی لا پياوړي کړي او د پي ټي ايم ملاتړي به خپلي مبارزې لا قوي کړي.
د ښاغلي پښتين سره ددې غورځنګ پنځه نور فعالان حميد وزير، سلام مندوخېل، بلال محسود ، ادريس پشتين، سلمان پښتون او فاروق هم نيول سوي دي.
د پښتين نيولو په پراخه کچه غبرګونونه راپارولي دي او د هغه د ژر خوشي کولو غوښتنه يې کړې ده.
افغان ولسمشر اشرف غني پر خپل ټويټر پاڼه ليکلي دی:
د پښتون ژغورنې غورځنګ د مشر منظور پشتین او د هغه د ملګرو په نیولو او ځورولو خواشینی یم.
زه په دې اړه د بښنې د نړیوال سازمان د اعلامیې بشپړ ملاتړ کوم.
په داسې حال کې چې زموږ سیمه د افراطیت او ترهګرۍ له داومداره ګواښ سره مخ ده، حکومتونه باید د بشري حقونو له فعالانو او سوله خوښو مدني حرکتونو څخه ملاتړ وکړي.
د پښتون ژغورنې غورځنګ په څېر د عدالت غوښتونکو خوځښتونو پر ضد دولتي تشدد د سیمې د بې ثباتۍ لامل ګرځي او موږ یې په کلکه غندو.
که حکومتونه له دغه ډول خوځښتونو سره اختلافات لري نو دغه اختلافات دې د خبرو اترو او ډیالوګ له لارې حل کړي نه د خشونت او زور له لارې.
I am troubled by the arrest of Manzoor Pashteen and his colleagues. I fully echo the concerns raised by Amnesty International in this regard and hope for their immediate release. While our region is suffering from atrocities caused by violent extremism and terrorism…
— Ashraf Ghani (@ashrafghani) January 27, 2020
د بخښني نړيوال سازمان ويلي، چي منظور پښتين د بشري حقونو د مبارزې په خاطر نيول سوی او بايد خوشي سي.
“منظور پښتين د بيان ازادۍ او د بشري حقونو د مبارزې په خاطر نيول سوی دی، هغه بايد له کوم قيد او شرط پرته سمدستي خوشي سي”.
Manzoor Pashteen has been arbitrarily detained for exercising his human rights to freedom of expression and peaceful assembly. He must be released immediately and unconditionally. #ReleaseManzoorPashteen
— Amnesty International South Asia (@amnestysasia) January 27, 2020
پښتون سياستپوه افراسياب خټک وايي، چي د منظور پښتين نيول د پاکستاني رياست اصلي څېره په ډاګه کوي:
The arrest of PTM head Manzoor Pashteen exposes the colonial type repressive state policy against Pashtuns in general & the people of Waziristan in particular. Instead of listening to their peaceful demands the rulers have gone for a grave provocation.#ReleaseManzoorPashteen
— Afrasiab Khattak (@a_siab) January 27, 2020
“د پښتون ژغورني غورځنګ د مشر منظور پښتين نيول دا په ډاګه کوي، چي پاکستانی رياست په عمومي توګه د پښتنو او په ځانګړې توګه د وزيرستان د خلګو پر وړاندي د تشدد پاليسي مخ ته وړي. ددې پرځای چي رياستي حکمرانان د پښتنو سالمو غوښتنو ته غوږ ونيسي پروړاندي يې د تشدد ډک چلند کوي.”
د پښتون ژغورني غورځنګ په نړيواله کچه نن د جنورۍ ۲۸ د لاريونونو اعلان کړی دی.
