لراوبر ویب پاڼه لراوبر يو افغان – تازه خبرونه
د پښتون ژغورني غورځنګ د مرکز کمېټې لخوا دا پرېکړه سوې چي د فبرورۍ پر دوهمه پي ټي ايم د شهيد ارمان لوڼي تلين لمانځي.
د پي ټي ايم يو مشر او په قامي اسمبلۍ کی د شمالي وزيرستان استازی محسن داوړ پر خپله ټويټر پاڼه ليکلي، چي د شهيد ارمان لوڼي تلين او د منظور پښتين د نيولو پرضد به احتجاجي ناستي کېږي:
PTM Steering committee meeting.
On 2 Feb PTM will commemorate anniversary of Arman Shaheed & hold global protests for #ReleaseManzoorPashteen.
This will be followed by:
9th feb Jalsa in loralai
9th feb protest in Karachi
16th feb Jalsa in D I Khan
1st march Jalsa in Charsada. pic.twitter.com/nusUhnxHgs— Mohsin Dawar (@mjdawar) January 31, 2020
د مرکزې کمېټې په غونډه کي پرېکړه وسوه چي په ګڼو ښارونو کي به د مشر منظور پښتين د خوشي کولو لپاره هم لاريونونه کېږي:
د فبرورۍ پر ۹ نېټه په لورلايي کي
د فبروري ۹ نېټه په کراچي کي
د فبروري پر ۱۶ نېټه په ډېره اسيماعيل خان کي
او د مارچ پر لومړۍ نېټه په چارسده کي.
ارمان لوڼی چي د پښتون ژغورني غورځنګ يو فعال او مخکښ وو، د ۲۰۱۹ کال د فبرورۍ پر دوهمه نېټه په لورلايي کي د پاکستاني پوليسو لخوا په تشدد سره شهيد کړل سو.
د شهيد ارمان لوڼي لومړی تلين پر داسي مهال لمانځل کېږي چي د روان کال د جنورۍ پر ۲۷ نېټه پاکستاني رياست د پښتون ژغورني غورځنګ مشر منظور پښتين په پېښور کي ونيوی او دا مهال د ډېره اسماعيل خان په زندان کي شپې سبا کوي.
د مشر منظور پښتين د نيولو په غبرګون کي د نړۍ په لراو بر کي پراخه لاريونونه روان دي. د بشري حقونو د نړيوال سازمان په ګډون د نړۍ سياسي مشرانو او پښتنو له پنجابي رياست څخه غوښتي دي چي منظور پښتين پرته له کوم شرط څخه ژر ترژره خوشي کړي.
