لراوبر ویب پاڼه لراوبر يو افغان – تازه خبرونه
د پكتيا ولايت په لجه منګل ولسوالۍ كي د يوي ديني مدرسي د بنسټ ډبره د پكتيا ولايت د ولايتي شورا مرستيال ښاغلي ښائسته جان احدي لخوا كيښودل شوه.
د غه مدرسه چي په ۳ جريبه ځمكه كي په پاخه او اساسي ډول جوړيږي ، د يو باب مسجد سربيره ، اداري او تدريسي لس خوني لري چي دګرديز بيارغوني ټيم لخوا په ۵۸۰۰۰ زره امريكايي ډالرو جوړيږي.
ددي مدرسي د بنسټ ډبره په داسي حال كي ايښودل كيږي چي څه موده وړاندي د پكتيا مركز ګرديز كي د يوي لويي ديني مدرسي كار پيل شو چي څه باندي ۱۳۰۰۰۰۰ امريكايي ډالره پري لګيږي.
دا په داسي حال كي ده چي پكتيا والي ښاغلي جمعه خان همدرد د پكتيا په ټولو ولسواليو كي ديوي ، يوي ديني مدرسي د جوړيدو ژمنه كړي وه.
