پورته درې رسمي مکتوبونه مو وليدل، قضاوت يې تاسو ته پرېږدم خو دومره وايم چي  که چېرته مسعود رښتيا هم قهرمان وی، رښتيا هم خايين نه وي، رښتيا هم د پرديو جاسوس او د خپلي خاورې خرڅوونکی نه وي او رښتيا هم د لمانځني حق ولری، آیا د ستر افغانستان  تر خپلواکيه ډېر ارزښت لري؟؟؟؟؟؟؟؟؟؟؟؟؟.  
د لوی احمدشاه بابا تلين –  چي نننی افغانستان يې له برکته د نړۍ په نقشه کي پروت دی –کوم کال لمانځل شوی دی؟، کومه وړه غونډه رابلل شوې ده؟.  داسي په زرګونو پوښتني نوري……
په هر صورت بيا هم تاسي خپله قضاوت وکړئ، د بهرنيو چارو وزارت کولی شول چي د ستر افغانستان د خپلواکۍ د ورځي لپاره هم همدا ډول لارښوونه وکړي چي د درې مياشتنيو تخصيصونو په چوکاټ کي دي ولمانځل شي  خو  . . . 
لږ ترلږه خو يې دونه ويلی شول چي په بهرنيو هېوادونو کي دي د مېشتو افغانان مرسته وغوښتل شي لکه اوس چي د مسعود د تلين په لمانځلو کي وغوښتل شوه.

اوسنی دولت د ښاغلي کرزي په مشرۍ په داسي ښکاره بڼه چي ګواکي  يو پښتون يې مشر دی، پښتانه وزيران او چارواکي لري  په اصل کي د پښتون قوم او په ټوليز ډول د ستر افغانستان د نېست او نابودولو لپاره جوړ شوی دی.
تر دې غټ شرم به چېرته وي چي په يوه هېواد کی دي د خپلواکۍ کليزه ونه لمانځل شي او د يوه جاسوس، ملي خايين، پردي پال، هېوادپلورونکي او د قومي تبعيض د رامنځته کوونکي د وژني کليزه دي په شاندارو مراسمو د ملت له پيسو ولمانځل شي. 
نارې وهو، خوله  مو تر غوږو څېرې شوه چي په افغانستان کي يو غیرعادي بهير روان دی، د پښتنو د نېست و نابودولو بهير چي په پاکستان کي هم د پښتنو پرضد عين لوبه روانه ده، هېچا وانه ورېده خو دادی اوس يې د بسته افغانستان د ړنګولو ملاتړلې ده.
پدارم يې د خپلواکۍ اتل  ته سپکي سپوري وکړې پاتي نور يې راولاړ شول عملاْ يې د خپلواکۍ  کليزه ونه لمانځله او د هېواد خپلواکي يې  بې پته کړه.
تأريخ به هرڅه وليکي،  تل به د شمالي ګېدړانو پاچهي نه وي روانه، خو زه چي خپلو پښتنو ته ګورم باور مي نشی چي په تأريخ کي دي هم دغه شيان روښانه شي ځکه دغه مافيايي ډلي اوس په هره برخه کي داسي کسان روزلي چي  هرڅه د دوی په لاس دی، تاریخ به هم ضرور د مسعود د خيانتونو پرځای د هغه له  اتلوليو ډک کړي.   !!!!!!!!!!
د پښتنو سيمه ييز متل دی وايي:

د زمرو له خوارۍ ګېدړان په بام ګرځي!

زموږ لپاره د شرم ځای دی چي اصلي او رښتوني اتلان، لوی احمدشاه بابا ، امان الله خان او په سلوګونو داسي نور راته خنثی شول، اوس ورته خايين وايي ، خو يو رښتونی ملي خايين او د پردو مزدور، د لنډغرو مشر ملي اتل شو.  «ناپرسان دی نو!!!!!!.»      

په تخار کي سلګونه کورنۍ چي په زوره له خپلو سيمو څخه شړل شوې وې بېرته راګرځېدلې دي خو دونه سړی پيدا نشو چي لږترلږه د ناستي ځای ورکړي.

بس د زړه درد مي تاسو ته ويوست ګوندي لږ آرام شي کنه په اوسنيو پښتنو کي د توري سړی نشته، اوسنيو پښتنو ته مېړني ويل د شرم خبره ده!!!!!!!!!!!!!!!!     

خوشاله راشه که يې ګورې
پښتانه يوله بله وژني برباد شوونه