لراوبر ویب پاڼه لراوبر يو افغان – تازه خبرونه
د کورنيو چارو وزارت خبر ورکړ چي د هرات ولاست د شينډنډ ولسوالۍ د عزيز اباد د کلي شاوخوا سلو بېګنا کسانو د وژل کېدو د پېښي په تړاو يې درې کسه نيولي دي .
د کورنيو چارو وزارت له خوا د خپرو شوو معلوماتو له مخي دغه درې کسان بهرنيو ځواکونو ته د غلطو معلوماتو ورکولو په تور نيول شوي دي .
پوره 21 ورځي مخکي په شينډنډ کي د بهرنيو هوايي ځواکونو له خوا په بمبارۍ کي تر سلو زيات ولسي وګړي وژل سوي وه ، بهرنيو ځواکونو له دې جملې يوازي د پنځو ولسي کسانو د وژل کېدو خبره منلې ده ، خو د ولسمشر کرزي له خوا ټاکل سوي لوړ رتبه پلاوي د ۹۶ تنو ولسي وګړو چي زيات شمېر يې ماشومان او ښځي وو د وژل کېدو خبرونه تاييد کړل . ددې پېښي ځيني قربانيان په لاندنۍ ويډيو کي وګورئ .
