لراوبر ویب پاڼه لراوبر يو افغان – تازه خبرونه
د پكتيكا ولايت په يوسف خېلو ولسوالۍ كې له تېرې شپې راهيسې درې بمي چاودنې شوې چې له امله يې څلور تنه وژل شوي او شپږ نور ټپيان شوي دي.
د پكتيكا ځايي چارواكي وايي، چې نن سهار يو كرولا ډوله موټر،د سړك غاړې په بم وربرابر او په پايله كې يې د يوه ماشوم په ګډون درې تنه ووژل شول او د يوې ميرمنې په ګډون دوه تنه ټپيان شول.
دويمه چاودنه په يوه لارۍ موټر پسې وه، چې له امله يې دوه سپاره كسان ووژل شول.
او دريمه چاودنه د يوه امنيتي شركت په موټر پسې شوې او څلور تنه يې ټپيان كړي دي.
تر اوسه نه د دې پېښو مسؤوليت چا اخېستى او نه يې هم په تور څوك نېول شوي دي.
