په میدان وردګ ولایت کې په لسګونو ډول ډول اسحلې او مهمات د ډایاک(بې وسلې کولو) پروګرام ته وسپارل .

نن دلړم په لومړۍ نیټه دمیدان وردګ  ولایت امنیتي منسوبینو په سلګونو ډول ډول اسلحه او مهمات د ډایاک (بې وسلې کولو )پروګرام مسولینو ته وسپارل ، په جوړو شوو مراسمو کې   ددې ولایت والي محمد حلیم فدایي  برسیره  د ولایت  امنیتي چارو منسوبینو او د ډایاک مسولینو برخه واخیسته، دمیدان وردګ والي محمد حلیم فدایي د ملي امنیت د منسوبینو هلې ځلې وستایلې او په راتلوونکو کې ورته د چارو د ښوالي په اړه لازمې سپارښتنې وکړي ،همدارنګه ښاغلی فدايي د ولسونو څخه مننه وکړه چې د امنیتي ځواکونو سره د امنیت په تامین او پیاوړتیا کې مرسته کوي.

دیادونې وړ ده چې ډایاک ته په سپارل شوو مهماتو کې لاندې شیان شامل دي

1. 
   
   ·        دیارلس میله کلاشینګوف


2. 
   
   ·        دوه میله راکټ


3. 
   
   ·        دوه میله پیکا


4. 
   
   ·        یوولس  دټانګ ضدماینونه


5. 
   
   ·        څلورسقر مرمۍ


6. 
   
   ·        دولس دانې دبیم دوازه مرمۍ


7. 
   
   ·        ۲۵۰ کیلو ګرامه انفجاری مواد


8. 
   
   ·        د ۲۰۰ شااوخوا مختلف  بمونه