اسوشیټیډ پریس د بګرام څخه په خپل تازه خبر کی وایی چی د امریکا لوی درستیز جنرال ډیویډ پترس په بګرام کی وویل چی افغانی قومونه د طالبانو پر ضد د یوې پیاوړی جبهې په توګه جنګېدای سی . ده وویل چی افغانستان یو داسی هېواد دﺉ چی هلته د قومونو او محلی ټولنو ملاتړ خورا ضروری دﺉ .

ده زیاته کړه چی دا یو داسی هېواد دﺉ چی د مرکزی حکومت د کنټرول عنعنه پر لیری ولایتونو او ولسوالیو باندی موجود نه وی . په افغانستان کی امریکایی قوماندان جنرال مک کایر مېن هم ویلی دي چی زه فوق العاده چمتو یم چی قومونو ته د مرستندوی پوځ په توګه وګورم تر څو هغوی د افغان پوځ ، ناټو او امریکایی پوځیانو تر څنګ وجنګیږی .

دغه نوی تاکتیک همدا اوس د ډيورنډ په پوري غاړه کښي عملأ راپیل سوئ دﺉ .

 

خو څېړونکي وایی چی په تېرو ۷ کالو کی په امریکایی پوځ و نه سوه ، اوس پنتاګون غواړی چی د خپلو ګټو په خاطر افغانان د افغانانو سره ( خصوصأ پښتانه خپل تر منځو ) وجنګوی او قومی مشرانو ته پیسې او وسلې ورکړی .مبصرین اندېښنه لری چی ښایی دغسی کار د یوې خطرناکی داخلی جګړې یا اقلأ داخلی نفرت باعث شی چی رغېدنه به یې ډېره ګرانه وی .

---

2008-11-04 
جنرال پترس د نوي تاکتيک سره په کابل کښي دئ