لراوبر ویب پاڼه لراوبر يو افغان – تازه خبرونه
خوست مېشتو بهرنيو ځواكونو، د خوست ښار په جنوبي څنډه كې ميخانيكي ليسې ته څېرمه يو زده كوونكى وواژه.
نوموړي د دغه ولايت د اسماعېل خېلو او مندوزيو ولسوالۍ په څړبن ليسه كې دوولسم ټولګى لوست.
پېښې ته نېږدې خلك وايي، چې نوموړى په خپل موټر كې سپور ؤ، چې د بهرنيو ځواكونو پوځي كاروان يې ترڅنګ تيريده، يوه بهرني سرتيري ډز پرې وكړ او دى يې وويشت.
دى په ټپي حالت روغتون ته وړل شوى او هلته يې د ټپ د ژور والي له امله ژوند له لاسه وركړى.
دا پېښه د خوست ځايي چارواكو او په خپلو بهرنيو ځواكونو د يوې اعلاميې په خپرولو سره تاييد كړې ده.
د يادولو ده، چې له دې وړاندې هم د خوست په باك ولسوالۍ كې د ناټو يوې چورلكې دوه موټرسايكل سواره زده كوونكي په نښه كړي او وژلي وو.
