غزل

شعر

بيا په جنګ ښکاري هوا او څراغونه
خدايه بچ ساتې رڼا او څراغونه

يه مرګيه ماشومان مې راته خاندي
سره پريږده څو شپې ما او څراغونه

خپل مخونه ستا د مخ په رڼا وينځي
لمر، سپوږمئ، ستوري، بريښنا او څراغونه

په دې نور پسې سپيڅلو خلکو مه ځئ
يو ځاى شوي دي بلا او څراغونه

د وطن په هديرو کې وي درويشه
هره شپه نرۍ ژړا او څراغونه

دشهید عبدالصمدخان اڅکزي دشهادت د ۳۵ تلین په مناسبت »

« د لوی اختر په مناسبت د مبارکۍ پيغامونه