د ننګرهار زوړ ګمرک چې د جلال اباد په زړه کې پروت دى نن سبا د ننګرهار چارواکو د ولسمشر حامد کرزي د يو ځانګړي فرمان له مخې دياد ولايت پخواني والي عزيزالله واصفي ته ورکړى، چې د ننګرهار ولايتي شورا او قومي مشران يې په کلکه مخالفت کوي.

ولايتي شوراوايي د دغه ګمرک درې جريبه زمکه دولت واصفي ته ورکړې چې دوى ددې کار غندنه کوي، قومي مشرانو ګواښ وکړ که دولت خپله پرېکړه بېرته وانخلي، نو دوى به دغلته خيمې ودروي او چا ته به اجازه ورنکړي چې ابادي پکې وکړي، د ننګرهار والي وايي دمګړۍ يې پردغه ګمرک پيل شوى کآر ودرآوه او د ولمسشر پرېکړې ته انتظار باسي.