کور / سياسي / روسی کارپوه ايګور پانارين: امريکا به لنډ په ۲۰۱۰ کال کي سره وشليږي

روسی کارپوه ايګور پانارين: امريکا به لنډ په ۲۰۱۰ کال کي سره وشليږي

وال سټريټ ژورنال امريکايي ورځپاڼي په خپله تازه ګڼه کي ليکلي دي چي د روسيې د پوهنتون  پروفيسور  ايګور پانارين اټکل کړی دی چي امريکا به په ۲۰۱۰ کال کي سره وشليږي .


[Prof. Panarin]د روسيې دغه استاد وايي چي په امريکا کي د اقتصاد  تاش په تاش  کېدل او  اخلاقي  زوال  به  دغه هيواد   و يوې  کورنۍ جګړې ته ور شوه کړي  او په پای کي  به يې سره وشلوي .


پنځوس کلن پانارين چي په روسيه کي د وتلو کارپوهانو څخه ګڼل کيږي مخکي د کي جي بي په سازمان کي د يوه تحليګر په توګه کار کاوه . نوموړی اوس د روسيې د بهرنيو چارو د وزارت د پوهنتون  رئيس دی چي ددې هيواد راتلونکي ډيپلوماټان روزي . دغه پروفيسور زياتره د کرملين په مهمو ميلمستياوو کي برخه اخلي او په زياتره  کنفرانسو کي  بيانيې ورکوي .
 
نوموړي تر اوسه څو کتابه ليکلي او دروسيې په رسنيو کي د سياسي چارو د کارپوه او تحليلګر په حيث  يو مطرح شخص دی . پانارين په سياسي علومو کي دوکتورا لري  او زيات کلونه  يې د امريکا په اقتصادي چارو  کي مطالعه کړېده . هغه د خپلو اټکلونو په برخه کي و دې نکتې ته هم اشاره کړېده چي  روسيه  به د ۱۹۹۰ لسيزي د ضعيفه کېدو نه وروسته بيرته پر خپلو پښوودريږي او په نړۍ وال ډګر کي به خپل پخوانۍ موقف يوځل بيا   تر لاسه کړي  .
 
پانارين  وايي چي د امريکا سره دښمني نلري خو اخطار ورکوي چي  د امريکا راتلونکې او لير ليد خورا بېروونکی او مهلکه  دی . هغه وايي د ۴۵ څخه تر ۵۵ په سلو کي دا احتمال سته چي دغه شلېدنه همدا اوس  را مينځته سي خو که په دې هکله جدي بحث وسي نو داسي معلوميږي چي دغه کار و روسيې ته  يوه بهترينه سناريو نده . پانارين  زياتوي چي ددې سره  سره چي په نړۍ وال ډګر کي به د روسيې قدرت  وځليږي ، خو  د امريکا سره د سوداګرۍ او په ډالر باندي د روسيې  تړاو به  زموږ هيواد د بحران سره مخامخ کړي .
 
هغه اټکل کوي چي د مهاجرت پراخ  بهير، اقتصادي رکود او اخلاقي زوال به د راتلونکي کال د مني څخه را  شروع او د يوې کورنۍ جګړې اساس به ورباندي کښېښودل سي او دا کار به ډالر  هم  په يوه ايکي کړي . د ۲۰۱۰ کال د جون يا  جولای په لومړيو کي به امريکا پر شپږو برخو و وېشل سي يعني تجزيه به سي  او په دې  پروسه کي به الاسکا بيرته وروسيې ته را وګرځي  .
 
 هغه په دې باور دی چي دغه اوسنی اقتصادي رکود او  ټولنيزي ستونزي او عوامل  داسي سره اخښل سوي دي چي په امريکا کي به  ضرور په یوه سياسي او ټولنيز بحران باندي ختميږي   اودا کار به  بډای ايالتونه و دې ته مجبوروي چي و  فډرالي دولت ته  دخپلو مالي منابعو د ورکولو څخه ډډه وکړي .
 
پانارين اټکل کوي چي په امريکا کي به ټولنيز بحران او کورنۍ جګړې  دوام  او د ملي او قومي ناباوريو او اختلافو په نتيجه کي به بهرني قدرتونه  ددې هيواد و دننه ته ورننوزي  .
 
دغه روسي پروفيسور اټکل کوي  چي کاليفورنيا به د کالیفورنيا د جمهوريت په نامه د چين  يوه برخه يا د هغه تر نفوذ لاندي يوه سيمه وګرځي . تکزاس به د تکزاس جمهوريت زړه  او د مکسيکو تر کنټرول يا نفوذ لاندي به يوه برخه وي . واشنګټن او نيويارک به د اتلانتيکي امريکا يوه برخه ګرځي چي ښايي د اروپا د اتحاديې سره و تړل سي . په دې لړ کي به کاناډا د امريکا د شمالي ايالتو يوه برخه  به، د شمالي مرکزي امريکا د جمهوريت تر نامه لاندي  په خپل کنټرول کي راولي . هاوايي به  د چين يا جاپان او يا الاسکا تر ملاتړ لاندي د روسيې تر کنټرول لاندي راځي .
 
پاناراين وايي : امريکايان و دې ته اميدواره دي چي د نوي جمهور ريئس  په حيث به د بارک اوباما راتګ و هغوی ته  يوه معجزه را مينځته کي، خو د پسرلي په راتلو سره به دغه خبره و ټولو ته جوته سي چي داسي څه به
هيڅکله هم پېښ  نسي  .


 تر دې مخه هم، د امريکا يو مشهوره کارپوه فرانسيس فوکوياما ويلي وه چي چي امريکا او سرمايه داري يې د دړي وړي کېدو په حال کي ده .


[Igor Panarin]


 

.