لراوبر ویب پاڼه لراوبر يو افغان – تازه خبرونه
د عراق په عمارې سيمه کې د موټر بم د درېيو پرله پسې چاودنو له امله په لسګونو تنه مړه او ټپيان شوي دي.
پوليسو ويلي چې د چاودنو زياتره قربانيان ملکي کسان دي.
عماره د پلازمينې بغداد په درې سوه کيلومتري کې پروت ښار دی.
عراقي ځواکونو د اپريل په مياشت کې د دغه هيواد د امنيت ساتنې مسووليت له بهرنيو ځواکونو پر خپله غاړه واخيست.
دغه چاودنې په داسې حال کې رامنځته شوي چې دولتي چارواکي په عراق کې د ثبات د ټينګښت لپاره د څو اوونيو راپه دې خوا پر (يويې طرحې) کار کوي.
