يوې اسلامي ويبپاڼي د القاعده ډلي دمشر اسامه بن لادن پيغام په ږغ کي خپور کړی دی ، اسامه بن لادن دا ځل دعراق په کورنۍ جګړه کي پر ښکېلو اسلامي ډلو ږغ کړی دی چي جګړې بس کړي او د سولي راتلو هلي ځلي وکړي .

اسامه بن لادن پر سني او شعيه مذهبه عراقيانو ږغ کړی دی چي د عراق جګړه د کورنۍ او مسلمانانو د خپل منځۍ جګړې بڼه اخستې ده چي د اسامه په وينا بايد مخنيوی يې وسي .

دا لومړی ځل دی چي اسامه بن لادن په جګړو کي ښکېلي خواو ته د جګړې د بنديدو او سولي پيغام خپروي .