دهلمند په ګرشک ولسوالي کي ديوه ځانمرګي بريد له امله ديو ايس پي اى داکمالاتي کاروان کارکوونکو ته ددرني مرګ او ژوبلي ترڅنګ ددغه کاروان زياتو موټروته هم زيان رسيدلي دى
دهلمند امنيه قوماندان سمونوال اسدالله شيرزاد وايي ديو ايس پي اى داکمالاتي کاروان دموټرو پرقطار ديوې چاودني له امله ددې کاروان موټرو ته زيان رسيدلى دى
قوماندان وايي داچي تير ماښام ناوخته دغه بريد رامنځته سوى دى نو يي دځانمرګي او چاودني ترمنځ توپير نه کيږي
امنيه قوماندان زياته کړه چي په دي بريد کي څلورتنه ملکي کسان وژل سوي او اته تنه نور ټپيان دي
چي دقوماندان په خبره دکاروان امنيتي کسانو ته زيان نه دى رسيدلي
دسيمي خلګ هم دابريد ځانمرګي بريد بولي وايي دسرپ موټر په واسطه رامنځته سوي دى او ديو ايس پي اى دکاروان دزياتو موټرونو دسوزيدو خبر ورکوي
په عين حال کي دهلمند د والي وياند داود احمدي وايي په دي بريد کي وژل سوي څلورتنه دقطار امنيتي ساتونکي دي خو دګرشک ولسوال حاجي عبدالاحدخان بيا ددي اکمالاتي امنيتي کاروان دساتونکو په شمول دملکي کسانو مرګ نهه تنه بولي خو لاتر دي دمه جوته نه ده چي څوکسه ملکي او څو ديادسوي کاروان امنيتي ساتونکي وژل سوي دي
دوسلوالو طالبانو وياند قاري يوسف احمدي وايي تير ماښام ناوخت دعبدالعزيز په نوم ديوه ځوان له لوري دسرپ موټر په واسطه يي دغه بريد دبهرنيو ځواکونو هډي ته نږدي چي په ګرشک کي ترسره کړ ي دى يولس کانټينر موټر يي سوزولي شپږ کرولا او سرپ موټر يي له منځه وړي او ددې کاروان ٣٣ساتونکي عسکر يي وژلي او ١٣تنه نور يي ټپيان کړي دي
چي دهلمند امنتي مسئولين دطالبانو دوياند دغه وروستۍ خبره نه مني
ديادوني وړد ه چي وړاندي تر دي هم په ګرشک ولسوالي کي ديوه ځانمرګي بريد له امله نږدي ٢١تنه ملکي کسانو ته مر ګ او ژوبله اوښتي وه
ګرشک ولسوالي په دي وروستيو کي ديوشمير ځانمرګو بريدونو شاهد ه ده چي ځيني وختونه په کي ملکي وګړي هم ژوند دلاسه ورکوي
‏