د هندوسخت دريځي ګوند شيوسينا او شاهرخان ترمنځ له جنجال وروسته د ممبى سينماګانو په يوه سلا د شاهرخان د ماى نېم ايز خان فلم د نه خپرولو فيصله وکړه.
ټاکل سوې وه چي دغه فلم نن د فبروري پر ١٢ – مه د ممبى په سينماګانو کي ننداري ته وړاندي سوئ واى.
دغه فلم شاهرخ خان په نړۍ کي د مسلمانانو په وړاندي د روانو ظلمونو پر ضد جوړ کړئ، د شاهرخ خان په وينا د دې فلم ترخپرېدو وروسته ممکن د مسلمانانو په هکله د نړۍ والو ذهنونه روښانه سوي واى.
د ممبى سينماګانو ويلي دوى د شيوسينا د سخت دريځي ډلي د اخطارونو له بېري د فلم له خپرولو څخه ډډه کوي.
بلي خوا ته د مهاراشترا ايالت وزيراعلى وويل هره سينما چي دغه فلم خپروي دوى يې د امنيت نيولو ته چمتو دي.
د شاهرخ خان او هندو سخت دريځي ډلي شيوسينا ترمنځ له دوو اونيو راهيسي د پاکستاني لوبغاړو پر سر جنجال هغه مهال راپورته سو، چي شاهرخ خان پاکستاني کرکيټ لوبغاړي په خپله لوبډله کي ونيول خو شيوسينا يې هندوستان ته له ورتګ څخه مخنيوى وکړ.