اسوشیټیډ پریس په خپل تازه خبر کی وایی چی پاکستاني پوځ نن په ایبټ آباد کی هغه کور له منځه یووړ چی اسامه بن لادن پکښی اوسېدﺉ . راپور وایی چی ایبټ آباد دوو سترو چاودنو ولړزاوه او ښایی د بن لادن استوګنځی یې وران کړی وی .
خبر زیاتوی چی پاکستان د نړیوالو او داخلی خبریالانو د پرله پسې هجوم او راتګ څخه په عذاب سوی و ، نو ځکه یې ښایی دا کور لوټی لوټی کړی وی . په دې وروستیو کی دا کور د ټولی نړۍ د خبریالانو د توجه وړ ګرځېدلی و او پاکستان یې په مشکل کی را ګیر کړی و ، نو ښایی همدا به یې د ورانولو علت وی ، خو بیا هم تر اوسه ښه واضح نه ده چی په رښتیا به یې هم همدا ودانۍ لوټی لوټی کړې وی که یا . وروسته به پوره جزیًیات معلوم سی .