د ملي جبهې د لمړۍ کليزي په وياړ !
همدا ملي جبهه ده
دا ملي نده جعلي ده
استقلال او حريت ځېنې خالي ده
ساخت و بافت ېې بيا روسي ده
دا ټلواله شمالي ده
استعمار بيا راتپلې دا بد شکله قواره ده
همدا ملي جبهه ده
دوی مړي ګډولي
دوی ژبې دي پرېکړي
سرونه ېې ميخ کړي
دوی دمېندو زمونږ سينې دي غوڅې کړي
د افغانې مور د حمل د ليدو په تماشه ده
همدا ملي جبهه ده
ډله، ډله يي وژلي
کانتينر کې يي سوځلي
په زرګونو يي لېلي ډاګ کې ښخ کړي
مزاري ته يي پښو کې حلال کړي
په سترګو مو ليدلي نه درواغ نه دا کيسه ده
همدا ملي جبهه ده
دوی رنګفروش دي
دوی سنګفروش دي
دوی غلام حلقه بګوش دي
دوی په هوش نه دي بې هوش دي
دا يؤوالۍ د دوی خپله مسقره ده
همدا ملي جبهه ده
ناکردې د دوی بې شمار دي
په زرګونو په کتار دي
په هر کور په هر ديار دي
خونړۍ پرهار،پرهار دي
کابل ته که وګورې دا د دوی يوه بېلګه ده
همدا ملي جبهه ده
که دين دی که ايين دی دا د دوی د لاس اله ده
دښمنان طبقاتي سره يؤ شوي افسانه ده
په سوله کې خوښ نه دي د دوی ګټه بس جګړه ده
وطن که مو ارام شي د دوی سر په محکمه ده
همدا ملي جبهه ده
د قوم او سمت ، ژبو اختلاف يي مفکوره ده
پښتون ، تاجک، از بک لره يي جوړه دسيسۀ ده
د نفاق اور يي چې بل کړ قهرمان يي هم هغه ده
همدا ملي جبهه ده
خورد ظا بط يي جنرالان شول
خصبه ګان يي همه واړه مولويان شول
کلينر او موټروان يي صفيران شول
دې جبهې نه توقع او څه ګيله ده
همدا ملي جبهه ده
کلچر ،فرهنګ او که کلتور
وارد يي بهرنۍ کړ په دستور
پټ لستوڼي کې ماران دي په شعور
نه خپلېږي که هر څو کاندې د دوی چارې مرور
بېدار شه ای افغانه چې بدله زمانه ده
همدا ملي جبهه ده
نه دي افغانان د پردو دي دوی بچيان
چنګيز او روس , انګرېز نه دي را پاتې دښمنان
مريان دي دوی د چين او پاکستان
د ټولو لکۍ غوټه په ايران او فرانسه ده
همدا ملي جبهه ده
بيا غربي داړه ماران
په نامه روشنفکران
څوک وزير څوک ترجمان
شول ورګډ په چور تالان
رشوت او اختلاص ته يي اوس ګوره په مزه ده
همدا ملي جبهه ده
دوی خلقيان که پرچميان دي
جميعت که ستميان دي
که خرڅ شوي وحدتيان دي
يوه هيله يؤ ارمان دي
تباهۍ ته د افغان دي
خپلمنځي انډيوالان دي
هر څه يي تالا کړل لا هم د دوی ولکه ده
په ډېر درنښت حامد الوتاند
د ملي جبهې د لمړي تلين په وياړ
تاسو کولای سئ دملي جبهې يا ددې شعر په اړه خپل نظر له نورو هيوادوالو سره شريک کړئ .