نن د غزني اوسېدونکو د سولي ولسي حرکت له غړو سره د لاریون پر مهال د جګړې له ښکېلو اړخونو څخه غوښتنه وکړه چي، د تشدد کمښت دي په اوربند واړول سي.

د هغوی په وینا، تمه ده چي د تاوتریخوالي کمښت د اوربند پیلامه و اوسي او د سولي له پاره لار جوړه کړي.

د دغه لاریون پر مهال د سولي ولسي حرکت غړو وویل، د تاوتریخوالي د کمښت په برخه کي د جګړې د ښکېلو اړخونو هوکړه د ستایني وړ ده، خو ښکېل اړخونه باید نور په رښتنې توګه خپلي پرېکړي عملي کړي.

هغوی د ګیلې په څېر وویل، نور ولس د قربانیو توان نه لري، نور باید ولس ونه غولول سي.

د لاریون پر مهال له ولس څخه غوښتنه وسوه چي د سولي ساتني له پاره چمتووالی ونیسي.