د افغانستان د کرکټ ملي لوبډله دا مهال د پاکستان په پېښور کې د کرکټ د نړیوالې شورا د څلورم ډېوژن سیالیو ته په تیاریو بوخته ده، د لوبډلې نوی روزونکی د پاکستان پخوانی تکړه لوبغاړی کبیر خان د سپټمبر له لسمې وروسته د لوبډلې د روزنې چاری پرمخ وړي، کبیر خان د افغانستان د کرکټ له ملي لوبډلې ډېر خوښ دی وايي چې دا لوبډله په بې ساری ډوله غښتلې ده. د افغانستان د کرکټ دفدراسیون ویاند زراب شاه ظهیر لر او بر ویبپاڼې ته هغه ټولې اوازی ردی کړی چې ګوندی لوبډله تنزانیا ته تیاری نه لري. هغه وویل چې کبیر خان غواړي لوبډله تنزانیا ته د سپټمبر په شپږ ویشتمه یوسي او هلته له هانګ کانګ سره دوستانه دری سیالۍ وکړي کبیر خان ویلي چې دی غواړي وپوهیږي چې څنګه هانګ کانګ افغانستان ته دوه ځلې ماتې ورکړې. زراب شاه ظهیر دا ډول ویلي چې په لوبډله کې د تاج ملوک دواړه وروڼه هستي ګل عابد او کریم خان صادق هم شته هغه وویل چې لوبغاړي باید د سیاسي کارونو ښکار نه شي. هستي ګل عابد هغه اتل لوبغاړی دی چې د افغانستان لوبډله یې په جرسي کې په پنځم ډېوژن کې بریالی کړ.