فرانس پریس آژانس د اسلام آباد څخه په خپل تازه خبر کی وایی چی د پاکستانی طالبانو یو مشر حافظ ګل بهادر اخطار ورکړ چی که پر قبایلی سیمو د امریکا د بې پیلوټه طیارو حملې د نومبر د شلمی ( یعنی نن ) څخه بندی نه سی نو دوی به د نورو سیمو څخه سختی حملې وکړی . د طالبانو ویاند احمدالله احمدی دا اخطار نن په یوه وینا کی صادر کړ خو دا یی واضح نه کړه چی دوی به څه ډول حملې وکړی . واشنګټن پوسټ ورځپاڼی تیره اوونۍ خبر ورکړی و چی د اسلام آباد او واشنګټن تر منځ پټ تړون سوی چی د هغه له مخی امریکا په آزاد لاس په قبایلی سیمو کی د بې پیلوټه طیارو د حملو اجازه لری خو اسلام آباد دا ادعا نه منی .ویل کیږی چی اسلام آباد تر دوو فشارونو لاندی دﺉ چی یو د خپل ولس زیاتېدونکی مخالفت او بل هم د امریکا زیاتېدونکی ټینګار دﺉ چی نتیجه یې د پاکستان په لوی زیان تمامېدونکې ده .