دننګرهاروالي ګل آغاشېرزي دولسمشرحامدکرزي په کټه له خپلې کانديداتورى څخه تيرسو.

نوموړي چې تيره ورځ يې په کابل کې دراتلونکوټولټاکنولپاره خپل دوه مرستيالان هم ټاکلى ونن سهاريې په جلال آبادکې خبريالانوته وويل چې دولسمشرکرزي په کټه له خپل دغه هوډڅخه پرشا سوئ  .

که څه هم دننګرهاردوالي ددغه بيړني تصميم په اړه زياتې پوښتنې راپورته سوي خوګل آغاشيرزى خپله خبريالانوته وويل  چې په کابل کې يې دجمعې په ورځ دهرات دپخواني والي سيدحسين انوري په کورکې غونډه لرل اودراتلونکوټولټاکنولپاره يې دولسمشرکرزي اوسنى لمړى مرسيتال ضيامسعوداوسيدحسين انوري دمرستيالانوپه توګه نومولي وو.

نوموړي زياته کړل چې له ولسمشرکرزي سره يې برايي ماښام دډوډۍ خوړلوپرمهال دهغه زوى مېرويس کرزى په غېږونيواوپريکړه يې وکړه چې له خپلي کانديداتورى څخه به دولسمشرکرزي په کټه تيريږي .

دغه رازدننګرهاروالي ګل آغاشېرزي دولايت له چوکۍ څخه هم استعفااعلان کړل خوپدې باب يې له معلوماتوورکولوڅخه ډډه کړې .

ګل آغاشېرزي له خپلودوه نوماندومرستيالانوڅخه هم بخښنه غوښتې .