د بېنظربوټو مېړه او اولادونه پاکستان ته ورسېدل
ځانګړي خبرونه
د پاکستان د پخوانۍ لومړۍ وزيري بې نظير بوټو جسد د راولپنډۍ د چکالي پوځي هوايي ډګر ته وړل سوی دی ، د پاکستان د خلق ګوند يوه غړي لراوبر ته وويل چي د بېنظير بوټو مېړه آصف علي زرداري هم له ډوبۍ څخه پاکستان ته رسيدلی دی ، نوموړي خپل يو زوی بلاول ؟( بلال ؟) آصيفه او بختوره هم له ځان راوستي دي .
ټاکل سوې ده چي د بېنظير بوټو مړی به سبا ته په لاړکانه کي د هغې په پلرنۍ هديره کي د خپل پلار ذولفقار علي بوټو تر څنګ خاورو ته وسپارل سي .
بېنظير بوټو چي په ۱۹۵۳ ميلادي کال زېږېدلې وه د څلور پنځوسو کلونو په عمر نن په راولپنډۍ کي يوې انتخاباتي غونډي ته تر وينا وروسته د خپل موټر له پاسنۍ کړکې څخه ولس ته د لاس ښورولو پر مهال له نامعلوم لوري پر ستوني او ځيګر د ټوپک په مرميو وويشتله سوه او مړه سوه .
د لراوبر په ويډيوي برخه کي دا پېښه له نړيوالو رسنيو وګورئ
 |  |  |  |
 |  |  |  |
