دا چې  پروت مې لا نظر دستا په لار دی
دا په دې  چې  زړه  مې  بيا په انتظار دی

خيال مې څومره ښه سپرلي غوندې سمسور شو
چې ستا زلفو کې لا  ياره  را  ايسار دی

په لمبو سوی  په  اور باندې  رغيږي
په  انګار ځکه  ټکور  ما ته  په  کار دی

په  بڼو باندې  خو سترګې  نه  درنيږي
لکه ګرد   دې  د غم  غر په  ما امبار دی

نسيم کوم ځای نه  وږمې د لونګ  راوړې
په   خزان  کې ګوره  څه  ښکلی   بهار  دی

دا چې اوښکې  شوې  په  سرو  وينو بدلې
دا مې  سترګو  پسې  ټول  د زړه  ازار  دی

دستا مينې کړم  بې  زړه  زه  اټک    ځکه
چې  ګوګل کې مې  اوس تش د ايرو  بار دی