لراوبر ویب پاڼه لراوبر يو افغان – تازه خبرونه
د امريکا د وسله وال پوځ لوى قومندان مايک مولن وايي اېران له تېرو درو کلونو راهيسي د اټومي وسلو د ترلاسه کولو کوښښ کوي.
هغه په واشنګټن کي په دې باب يوې غونډي ته د وينا پر مهال وويل د اېران د اټومي پروګرام د ختمولو دپاره پر دغه هيواد د حملې احتمال موجود دئ، که څه هم هيڅوک په دې حمله نه دئ خوشحاله.
مايک مولن وويل امريکا پر دې اندېښمنه ده چي پر اېران د حملې په صورت کي به د اېراني حکومت غبرګون څه شي وي.
تر مايک مولن وړاندي د امريکا مرستيال ولسمشر جوبايډن ويلي وو چي اسرائيل يو خپلوا ک هيواد دئ او له خپل ځان څخه د دفاع په خاطر پر اېران هر راز حمله کولاى سي، خو د اېران حکومت وايي که اسرائيل يا بل هر هيواد پر تېرى وکړي، پر ملا به يې غوټ مات کړي.
