د مڼې ګل د مشاعرې د ټولو۱۳ کتابونو مجموعه

هینداره

د کتاب ځانګړنې

د کتاب نوم: هینداره

لیکوال: حبیب الله رفیع

موضوع: د ټولنې د پخوانۍ او معاصرې ټکنالوجۍ تر منځ توپیر او تدریجي پرمختګ

د پاڼو شمیر: ۱۵۱

خپرندوی: د وردګو او میدان ولایت

کمپوز: کلید ګروپ

انځورونه: آریانا تلویزیون او نجیب الله مسافر

مهتمم: محمد نبي تدبیر

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

چاپځای: افغان مسلکي مطبعه/ کابل، افغانستان

لنډه تبصره: د هیندارې کتاب د پرمختګونو لړۍ پسې را اخیستې ده چې په تدریجي توګه د نړۍ په چاپيریال کې رامنځته شوي او انسانانو د خپل ژوند د پرمختګ لپاره په کار اچولي دي. د کتاب د پوښتۍ په لومړي مخ باندې د شنو ډکو او غاټول د سرو ګلونو چمن ښکاري چې د شنې برخې په پای کې په سره رنګ هینداره لیکل شوي چې د همدې کتاب نوم دی. د هیندارې د کتاب د پوښتۍ د لومړۍ پاڼې د پای په برخه کې د داسې یوې هیندارې عکس دی چې د موټر د شالید لپاره استعمالیږي او په هینداره کې چې ور وګورې همدارنګه بیا هم په شنو چمنونو پوښلې څو ګونې وړې غونډۍ ښکاري او د همدې هیندارې د ښي لاس په کیڼه برخه کې یو لاس ښکاري چې د فیروزې د غمي ګوتمې یې په ګوته ده او د سرو ګلابو یوه غنچه یې په لاس کې نیولې ده.

د هیندارې د کتاب د پوښتۍ په دویم مخ باندې د استاد حبیب الله رفیع یو تصویر او د کتاب له منځپانګې څخه دوه پارګرافه را اخیستل شوي او په همدې پاڼه چاپ شوي دي.

د استاد حبیب الله رفیع په کتاب هینداره باندې د لیکوال په خپل قلم سریزه لیکل شوې ده چې د سر خبرې نوم یې پرې ایښی دی.

نوموړی کتاب په خپله منځپانګه کې څو ځای رنګه عکسونه هم لري چې د مطلب د ښه وضاحت لپاره له کتاب سره چاپ شوي دي چې په زړه پورې دي او پخپله رنګینه ښکلا کې د افغانستان د تاریخ ځینې برخې په پټه خوله د لوستونکي مخې ته ږدي. د هیندارې د کتاب منځپانګه دولس لوی عنوانونه لري.

محمد ارسلان سلیمي د هیواد پياوړې ځیره

د کتاب ځانګړنې

د کتاب نوم: محمد ارسلان سلیمي د هیواد پیاوړې څیره

لیکوال: ګل آغا احمدي وردګ

موضوع: د پښتو ادب د وتلي ستوري محمد ارسلان سلیمي ژوندلیک

د پاڼو شمیر: ۱۷۹

خپرندوی: د وردګو او میدان ولایت

کمپوز: زبیر احمدي او وحیدالله احمدي

انځورونه: لیکوال

سکښته: امین الله عادل

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

چاپ ځای: د اسد دانش مطبعه/ کابل، افغانستان

لنډه تبصره: دا کتاب د افغانستان د ادب د ستوري او ستر خدمتګار ارواښاد محمد ارسلان سلیمي ژوندلیک دی چې د خپل ویاړلي ژوند تر پایه یې د افغانستان د خلکو خدمت په ډیر اخلاص، صداقت او ایماندارۍ سره وکړ او د هیواد د معاصرې ښوونې او کلتوري نوښتونو د بنسټ ایښودونکي، زیارکښ او مخکښ مشر څخه ګڼل کیږي. همدارنګه ارواښاد سلیمي د خپل ژوند په اوږدو کې په ډیر میړانه، زړورتیا او ریښتینولۍ سره د پښتونستان په هکله د افغانستان د برحقې داعیې څخه په کلکه ملاتړ کړی او د خپلواکۍ د تړون د مجلې بنسټ ایښودونکی او د نوموړې مجلې د دوو جلدونو لیکونکی هم دی.

د محمد ارسلان سلیمي د ژوندلیک په کتاب باندې ښاغلیو هر یوه علم ګل سحر، غلام ولي نوري او امین الله عادل سریزې هم کښلې دي. د محمد ارسلان سلیمي کتاب په شپږو څپرکیو او څه د پاسه ۸۰ عنوانونو سره برابر شوی دی. همدارنګه په دې کتاب کې د یو شمیر هغو کسانو ژوندۍ خاطرې د دوی له عکسونو سره یو ځای راغلې دي چې د ارواښاد سلیمي په هکله یې ویلې دي. د کتاب په وروستۍ برخه کې د سلیمي او د هغه د پاتې کورنۍ یو شمیر عکسونه هم راغلي دي چې د کورنۍ د پاتې غړو په ځینو عکسونو کې یې د کتاب لیکوال هم ورسره ښکاري.

د کتاب د پوښتۍ لومړۍ پاڼه د ارواښاد سلیمي په تصویر، زیړو او آبي رنګونو داسې ښکلې شوې ده ته به وایې چې ټوله شوې پرده ده او مخامخ د ارواښاد سلیمي فوتو ښکاري. د ارواښاد سلیمي د فوتو برې خواته لومړۍ دا جمله لیکل شوې ده چې: ( د مڼې ګل د نهمې دودیزې مشاعرې په ویاړ) او بیا تر هغه را لاندې د کتاب نوم لیکل شوی دی. په همدې مخ باندې د ارواښاد سلیمي د عکس څخه ښکته د لیکوال نوم لیکل شوی دی.

د پوښتۍ په دویم مخ باندې د لیکوال لنډه پیژندنه شوې چې د نوموړي له فوتو سره یو ځای یې ګرانو لوستونکو ته ور پيژندلی دی.

د…. فلسفه

د کتاب ځانګړنې

د کتاب نوم: د…….فلسفه

لیکوال: محب الله زغم

موضوع: د ماشومانو لپاره کیسې

د پاڼو شمیر: ۷۶

خپرندوی: د وردګو او میدان ولایت

کمپوز: ذبیح الله احساس

د پښتۍ انځور: حاجي عبدالهادي تپاند

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۴

چاپ ځای: د اسد دانش مطبعه/ کابل، افغانستان

لنډه تبصره: د…….فلسفه د ځوان لیکوال ښاغلي محب الله زغم لیکنه ده چې د ماشومانو یې په خپله ټولګه کې ۹ کیسې او ۵ طنزونه ځای پر ځای کړي دي. ژبه یې خوږه، روانه او له تلوسې څخه ډکه ده او نوموړی کتاب استاد اسدالله غضنفر ته ډالۍ شوی چې د ماشومانو د ادب په لاره کې یوه لویه لاسته راوړنه ګڼل کیږي.

د پښتۍ پر لومړي مخ یې د زړه وړونکو رنګونو سره د داسې یوه خیالي سړي انځور کښلی دی چې د یوه پاخه فیلسوف ګمان پرې کیږي. د نوموړي انځور د ککرۍ ویښتان ختم خو د ورمیږ په خوا کې یې لویې لویې څڼې شته دي. همدارنګه نوموړې خيالي څیره لویه ږیره لري او سګریټ یې هم په خوله کې دي. د کتاب نوم د نوموړې څیرې په تندي راغلی له هغه پاسه پرې د نهمې مڼې ګل په ویاړ باندې د چاپ جمله لیکل شوې او له عکس را لاندې د لیکوال نوم او د کتاب موخه لیکل شوې ده چې ګواکي د ماشومانو کیسې لوستونکي ته بیانوي.

د پوښتۍ په دویم مخ باندې لیکوال خپل عکس او پیژندلیک نه دی چاپ کړی بلکي د کتاب د پوښتۍ د لومړي مخ یو کوچنی تصویر د هغه پر ښي اړخ کې ښکاري.

د بدیع فن او پښتو شاعري

د کتاب ځانګړنې

د کتاب نوم: د بدیع فن او پښتو شاعري

لیکوال: پوهنیار محمد ابراهیم همکار

موضوع: پښتو ادب

د پاڼو شمیر: ۲۲۶

خپرندوی: د وردګو او میدان ولایت

کمپوز: عبدالحسیب انوري

لومړی چاپ: وری ۱۳۸۶

دویم چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۱۲

چاپ ځای: د اسد دانش مطبعه/ کابل، افغانستان

لنډه تبصره: د بدیع فن او پښتو شاعري لکه چې له نامه څخه یې ښکاري د پښتو ادب، د بدیع فن او پښتو شاعري یې په علمي ډول را سپړلې ده او د اروښاد عبدالروف بینوا او پوهاند عبدالشکور رشاد پاکو ارواحو ته یې ډالۍ کړی دی چې د لیکوال په وینا یې لومړی زموږ په هیواد کې د بدیع د فن په برخه کې هڅې کړې دي. په نوموړي کتاب باندې ښاغلي استاد محمد آصف صمیم او پوهنیار سیدغني غني سریزې هم کښلې، په آتو څپرکیو او ۱۲۶ سرلیکونو سره ترتیب شوی دی.

د پښتۍ مخ یې ساده په زیړو او شنو رنګونو باندې ښکلی شوی، د کتاب او لیکوال نومونه پرې لیکلي دي. همدارنګه د پښتۍ په شا یې په انګریزي تورو سره بیا هم د کتاب او لیکوال نومونه لیکلي شوي دی.

وروستی ناول

د کتاب ځانګړنې

د کتاب نوم: وروستۍ ساه

لیکوال: محمد آصف عمر

موضوع: پښتو ناول

د پاڼو شمیر: ۶۰

خپرندوی: د وردګو او میدان ولایت

کمپوز: عمران خان صافي

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۹

چاپ ځای: د اسد دانش مطبعه/ کابل، افغانستان

لنډه تبصره: د وروستۍ ساه کتاب پرته له کومې سریزې مخامخ په خپل ناول پيل کړی، ژبه یې روانه او په ۶۰ پاڼو کې یې خپل ناول بشپړ کړی دی.

د کتاب د پوښتۍ مخ داسې انځور شوی چې د تور رنګ په منځکې د اور لمبې ښکاري چې غالبا د لیکوال مطلب به هغه لمبې وي چې له زړه څخه د مینې پر مهال په خیالی ډول پورته کیږي او ځینې سندرغاړي هم د خپلو سندریزو کلیپونو په جوړولو کې له دغه ډول تصویرونو څخه استفاده کوي او د پښتۍ وروستی مخ کومه ځانګړې لیکنه نه لري.

د پنجرې شاته

د کتاب ځانګړنې

د کتاب نوم: د پنجرې شاته

لیکوال: احمد تکل

موضوع: پښتو شعر

د پاڼو شمیر: ۶۷

خپرندوی: د وردګو او میدان ولایت

کمپوز: عمران خان ساپي

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۸

چاپ ځای: د اسد دانش مطبعه/ کابل، افغانستان

لنډه تبصره: د پنجرې شاته د ښاغلي احمد تکل دریمه شعري ټولګه ده چې له دې څخه د مخه یې دوې شعري ټولګې هم د چاپ په زیور ښکلې شوې دي. په نوموړي کتاب باندې هم کومه سریزه نه کښل شوې بلکي په دې شعر سره پيل شوی دی چې: افغانستان ته ځمه.

د کتاب د پښتۍ لومړی مخ تور او د صفحې په منځ کې بیا یوه داسې پنجره انځور شوې ده چې مختلف رنګونه لري. همدارنګه د کتاب د پوښتۍ په لومړي مخ باندې د کتاب او لیکوال نومونه لیکل شوي دي.

د کتاب د پوښتۍ په وروستي مخ د لیکوال لنډه پيژنه شوې ده چې د وردګو او میدان د ولایت د نرخ د ولسوالۍ د صدمرده د کلي دی اوسیدونکی دی.

لرغوني افغانستان

د کتاب ځانګړنې

د کتاب نوم: لرغونی افغانستان ( د مقالو ټولګه)

لیکوال: پوهنوال رسول باوري

موضوع: د افغانستان لرغونی تاریخ او لرغونې شتمني

د پاڼو شمیر: ۳۱۵

خپرندوی: د وردګو او میدان ولایت

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۱۳

چاپ ځای: د اسد دانش مطبعه/ کابل، افغانستان

لنډه تبصره: لرغونی افغانستان چې د افغانستان د نامتو لرغون څیړونکي ښاغلي پوهنوال رسول باوري د مقالو ټولګه ده له ځینو ځانګړو نقشو او په تور او سپين رنګ انځورونو سره یو ځای د افغانستان لرغونی تاریخ لوستونکو ته معرفي کوي چې د خورا زیات اهمیت وړ دی.

د کتاب د پښتۍ په لومړي مخ باندې داسې یو تاریخي انځور دی چې غالب ګمان په طلا تپه کې موندل شوی او د انځور په منځنۍ برخه کې یو بت او شاوخوا یې شنه غمي وودلی دي. همدارنګه د کتاب د پوښتۍ لومړۍ مخ ته سوربخن رنګ ورکړل شوی او د کتاب او د کتاب د لیکوال نومونه پرې لیکلي دي. د کتاب په وروستۍ برخه کې د کتاب د چاپ کال هم راغلی دی.

د کتاب د پښتۍ په وروستۍ صفحه باندې بیا هم یو تاریخي انځور کښل شوی چې په انګریزي باندې د کتاب او لیکوال نوم هم لري.
 

کاروان خبرې کوې

د کتاب ځانګړنې

د کتاب نوم: کاروان خبرې کوي

راټوونکی: بازمحمد عابد

موضوع: د پښتو په ځینو شعري او نثري لیکنو باندې د کاروان هنري نظریې

د پاڼو شمیر: ۱۳۰

خپرندوی: د وردګو او میدان ولایت

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۱۱

چاپ ځای: د اسد دانش مطبعه/ کابل، افغانستان

لنډه تبصره: کاروان خبرې کوي د افغان ادبي بهیر د همیشني یار ښاغلي بازمحمد عابد راټولونې دي چې په مختلفو ادبي مناسبتونو، کتابونو، شعرونو او نثري لیکنو د پښتو ژبې د نومیالي شاعر او کیسه لیکونکي ښاغلي پيرمحمد کاروان هنري خبرې، لیکنې او نظریې سره ټولې کړې او لوستونکو ته یې د یوه کتاب په شکل وړاندې کوي.

په نوموړي کتاب باندې عابد صیب پخپله سریزه کښلې او خپل کتاب یې په ۱۳۰ مخونو کې ترتیب کړی دی.

د کتاب د مخ پوښتۍ په تور او نیلي رنګونو ښکلې شوې او نوموړو رنګونو په منځ کې د کاروان انځور ښکاري چې شمع یې مخې ته بله ده. په همدې صفحه باندې د کتاب او لیکوال نومونه هم کښلي شوي دي. د کتاب د پوښتۍ په دویم مخ ته هم نیلي رنګ غوره شوی او د لومړي مخ کوچنۍ تصویر پرې داسې ښکاري ته به وایې چې د اوبو په سر دې ایښی دی.

د ښیښې زړه

د کتاب ځانګړنې

د کتاب نوم: د ښیښې زړه

لیکوال: محمد حسن حقیار

موضوع: پښتو شعر

د پاڼو شمیر: ۱۱۹

خپرندوی: د وردګو او میدان ولایت

کمپوز:امیرزیب دورانی

ډیزاین: کمال کاکړ

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۴

چاپ ځای: د اسد دانش مطبعه/ کابل، افغانستان

لنډه تبصره: د ښیښې زړه د ښاغلي محمد حسن حقیار نهم کتاب دی چې د چاپ په زیور ښکلی کیږي او تر دې وړاندې حقیار صاحب آته کتابونه په بیلابیلو موضوعاتو باندې لیکلي او چاپ شوي دي.

په دې کتاب باندې د پښتو ادب د ستر خدمتګار استاد پوهاند عبدالشکور رشاد تقریظ هم شته او داسې معلومیږي چې دا شعري ټولګه د ارواښاد استاد رشاد د مړینې څخه د مخه چاپ ته چمتو وه.

د دې کتاب د پوښتۍ په لومړي مخ د مختلفو رنګونو په منځکې د ښیښې د داسې یوه زړه انځور ښکاري چې سره ګلاب سره د مینه ناکو لمبو او تاوونو په منځکې پورته شوی دی او د زړه په منځکې د کتاب او د ګل په منځکې د لیکوال نوم لیکل شوی دی چې د یوه لوړ ذوق ویندويي کوی. ښاغلي حقیار د خپلې ټولګې په هره پاڼه کې هم د زړونو انځور ته پاملرنه کړې ده خو تور او سپین رنګ هغه په خوندور ډول نه دی راوستلی.

د کتاب د پوښتۍ په وروستۍ برخه باندې بیا د لیکوال پیژندنه د هغه د انځور او د چاپ شوو کتابونو د نوم لړ سره یو ځای راغلې ده.
 
 

اندونه

د کتاب ځانګړنې

د کتاب پښتو نوم: اندونه ( ژور افکار)

د کتاب عربي نوم: النظرات

لیکوال: مصطفی لطفي منفلوطي

ژباړن: امین الله عادل

موضوع: لوړ ټولنیز فکرونه

د پاڼو شمیر: ۱۴۹

خپرندوی: د وردګو او میدان ولایت

کمپوز: رحیم الله او روح الله

سکښته: سعیدالله شیرزی

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۱۴

چاپ ځای: د اسد دانش مطبعه/ کابل، افغانستان

لنډه تبصره: اندونه د ښاغلي امین الله عادل هغه ژباړه ده چې د عربي ژبې د نامتو لیکوال مصطفی لطفي منفلوطي النظرات له کتاب څخه یې په خوږه او روانه پښتو ژبه ژباړلی او د لوستونکو د مطالعې وړ یې ګرزولی دی.

په کتاب باندې د ژباړن په سریزې سربیره استاد محمد اصف صمیم هم سریزه کښلې او دغه کتاب یې له چاپ څخه د مخه د خپلې مطالعې څخه تیر کړی دی.

د کتاب د پوښتۍ په لومړي مخ باندې تور او نصواري رنګونه کار شوي او د داسې یوه سړي د مخ انځور هم پرې کښلی شوی دی چې په سختۍ سره تشخیص کیږي. د همدې مخ د پای په برخه کې د کتاب، لیکونکي او ژباړونکي نومونه په سپین رنګ باندې لیکل شوي دي.

د کتاب د پوښتۍ په وروستي مخ د پاڼې منځکې بیا هم د لومړي مخ انځور په واړه سایز کښل شوی دی.
 

از آزادي بیان تا تروریزم ذهني

د کتاب ځانګړنې

د کتاب نوم: از آزادي بیان تا تروریزم ذهني

لیکوال: لیلا خرم

موضوع: د تودو مقالو ټولګه

د پاڼو شمیر: ۱۷۱

خپرندوی: د وردګو او میدان ولایت

اهتمام: د ویسا د ورځپاڼې اداره

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۳

چاپ ځای: د اسد دانش مطبعه/ کابل، افغانستان

لنډه تبصره: دغه کتاب د افغانستان د ښځینه فعالې لیکوالې آغلې لیلا خرم د تودو مقالو ټولګه ده چې د ویسا د ورځپاڼې له لارې وخت پر وخت خپرې شوې دي، د افغانستان وران حالات یې ګام پر ګام څیړلی او د هغه تصویر یې د ګرانو لوستونکو په مخ کې ایښی دی. دغه کتاب د افغانستان د مظلوم ولس ټولو خویندو او وروڼو ته ډالۍ شوی او د ویسا د ورځپاڼې مسوول مدیر ښاغلي محمد زبیر شفیقي پرې سریزه کښلې ده.

د کتاب د پوښتۍ لومړی مخ په نیلي، آبي او فولادي ډیزاین شوی او د همدې مخ په منځنۍ برخه کې یو زیړ قلف په دوو ځنځیري غورغیو کې ورکړل شوی دی. د همدې انځور د پاسه د کتاب نوم او ترې لاندې په چپ لوري کې د لیکوالې نوم ذکر شوی دی.

د همدې کتاب د پوښتۍ وروستی مخ بیا ساده نیلي رنګ لري او یواځې د کتاب د نوم لړ شمیره پرې لیکل شوې ده.

ټولنپوهنه او په اړه یې بنسټیز اندونه

د کتاب ځانګړنې

د کتاب نوم: ټولنپوهنه او په اړه یې بنسټیز اندونه

لیکوال: پیتر کیوسټو

فارسي ژباړن: منوچهر صبوري

پښتو ژباړن: جلال آشنا

موضوع: ټولنه، سیاست او اقتصاد

د پاڼو شمیر: ۱۸۸

خپرندوی: د وردګو او میدان ولایت

کمپوز: عمران خان ساپي

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۶

چاپ ځای: د اسد دانش مطبعه/ کابل، افغانستان

لنډه تبصره: دغه کتاب د ټولنپوهنې په هکله دی چې مختلف اندونه، افکار او خیالات یې را اخیستي دي. ښاغلي جلال اشنا د فارسي څخه په خوږه پښتو ژباړلی او د مینه والو د مطالعې وړ یې ګرزولی دی. په دې کتاب باندې محمد اجمل هوډمن یوه سریزه کښلې او کتاب ټولټال په ۱۸۸ مخونو کې ترتیب شوی دی.

د کتاب د پښتۍ په لومړي مخ داسې انځور کښل شوی چې خپله ژباړن د مڼو تر ونې لاندې ښکاروي او په خپل سوچ یا چورت کې غرق تللی دی. کتاب ته زیړبخن رنګ انتخاب شوی او د ونو څانګې بیا په تورو شاخونو، زیړو او سرو پاڼو ښکلې شوې دي. د همدې مخ د منځني انځور لپاسه د کتاب او د انځور څخه د لاندې د لیکوال او ژباړن نومونه لیکل شوي دي.

د کتاب د پوښتۍ په وروستي مخ باندې ورته رنګونه کار شوي او د ښاغلي شرف الدین ستانکزي په قلم ژباړن لوستونکو ته ور پيژني.
 

د میږیانو په باره کې پوښتنې او په اړه یې ځوابونه

د کتاب ځانګړنې

د کتاب نوم: د میږیانو په باره کې یو لړ پوښتنې او ځوابونه

لیکوال: ملیسنټ سل سام

ژباړن: سید عبدالله ولی زی

انځورګر: ارابت ویت لي

موضوع: د ماشومانو لپاره د میږیانو په هکله معلومات

د پاڼو شمیر: ۷۲

خپرندوی: د وردګو او میدان ولایت

چاپ کال: ۱۳۸۸ ه ل، ۲۰۰۹ ز

چاپ شمیر: ۱۰۰۰ ټوکه

د خپرونو لړ: ۱۰

چاپ ځای: د اسد دانش مطبعه/ کابل، افغانستان

لنډه تبصره: د میږیانو په باره کې پوښتنې او ځوابونه چې د ملیسنت سل سام لیکنه ده زموږ ځوان لیکوال ښاغلي سید عبدالله ولي زي په روانه او خوږه ژبه ژباړلی دی چې نه یوازې د افغان کوچنیانو بلکي د لویانو لپاره هم ستر ستر د عبرت پیغامونه لري. نوموړی کتاب انسان ته په ګوته کوي چې د ټولینزو چارو او همکاریو په لړ کې څرنګه د میږیانو څخه زده کړه وکړي او خپل ژوند ته سمون په برخه کړي.

د ښاغلي ولي زي صاحب په ژباړل شوي کتاب چا کومه تبصره یا سریزه نه ده کښلي بلکي مخامخ یې د کتاب له اصلي مفرداتو سره تماس نیولی دی.

د کتاب د پوښتۍ لومړۍ مخ زیړ رنګ لري او د چاودې چاودې ځمکې د دوو تورو میږیانو انځور په داسې ډول کښل شوی دی چې له یو بل سره د زړه خواله کوي، خولې، بریتونه او پښې یې یو بل ته ورلنډ کړي دي. په همدې مخ د کتاب، لیکوال، انځورګر او ژباړن نومونه لیکل شوي دي.

د همدې کتاب د پوښتۍ په وروستۍ برخه باندې بیا یوازې د نهمې مڼې ګل په مناسبت هغه شعار دی چې په ټولو کتابونو لیکل شوی او د همدې مخ په پای کې بیا د کتاب د چاپولو لړ لیکل شوی دی.