د افغان خبريال جان الله هاشمزاده د خواخوږۍ پيغامونه
دختيزې سيمې ليکوالو او ژورناليستانو دخپلواکې ټولنې اعلاميه!
په خواشينۍ سره مو خبر تر لاسه کړ چې ناڅرګندو وسله والو نن له غرمې مخکې په لره پښتونخوا کې وتلې افغان خبريال جان الله (هاشم زاده)دطورخم او پيښور تر منځ لاره کې په داسې حال کې چې جلال اباد نه پيښورته پر لاره وه دجمرود په سيمه کې دسپرلۍ له موټره ښکته کړى او په ډيره بې دردۍ يې وژلې دى.
(انا لله وانا اليه راجعون)
دختيزې سيمې ليکوالو او ژورناليستانو خپلواکې ټولنې مشرتابه په داسې حال کې چې دارواښاد وژنه په کلکه غندي او هغه دبيان پر ازادۍ يو بې دريغه ګوزاراو دخبريالانو پروړاندې يومرګونى ګواښ بولي دهاشم زاده مړينه درسنيو دکور لپاره يوه تشه بولې او ځان دهغه له کورنۍ او دوستانو سره په دې ستر وير کې شريک بولي او دارواښاد لپاره دکايناتو دستر څښتن نه دفردوس جنت هيله کوي.
دختيزې سيمې ليکوالو او ژورناليستانو خپلواکه ټولنې مشرتابه
دجبارخېل له خوادخواشنۍ اوددتسليت پيغام:
په ډيره خواشينۍ سره موخبرترلاسه كړچې دختيځې سېمې يوځلانده ژورناليست ارواښادخداى بخښلى جان الله هاشمزاده دنامالوموكسانوله خوادخيبرددرې دسره كمرپه سيمه كې په بې رحمانه توګه په شهادت ورسېد،نه يواځې زه بلكې بلكې دپښتوژبې ټول ژورناليستان دهاشمزاده دقاتلينودنېولواوهمدارازدهغوي دمحاكمه كولوغوښتونكي يواودپاكستان له حكومته په جدې توګه ددې پېښې دڅيړنې غوښتونكي يو،اوداوژنه په كلكه غندو،په اخره كې دهاشمزاده له كورنۍ سره په دې غميزه كې ځان شريك بولواوكورنۍ ته يې دجميل صبرغوښتونكي يو.روح دې ښادوي .
جبارخېل
پريس کلب ږوب
د پريس کلب ږوب ډپټي جنرل سکرټررفيع الله مندوخېل او ملګري په پېښورکي د پژواک خبري اژانس د خبريال جان الله هاشم زاده مړينه په کلکه غندي .
دخواخوږی ادبي او کلتوري ټولني پيغام
نيټه: ٢/٦/١٣٨٨ – ٢٤/٨/٢٠٠٩
په خواشينۍ سره مو خبر ترلاسه کړ چي د هېواد ځوان او تاند خبريال جان الله هاشمزاده چي په پاکستان کې د پژواک خبري آژانس او د شمشاد د تلويزيون لپاره د خبريال په توګه کار کاوه نن د هېواد د دښمنانو لخوا د خيبر ايجنسي په سيمه کې د مسافر وړونکي موټر څخه کښته او وروسته په شهادت ورسول سو.
انالله و انا اليه راجعُون
خواخوږی ادبي او کلتوري ټولنه د ارواښاد هاشمزاده شهادت هېواد ته يو فرهنګي ضايعه بولي او خپل د خواشينۍ مراتب د دوي محترمي کورني، فرهنګي ټولنو، د پژواک خبري آژانس او شمشاد تلويزيون ته وړاندي کوي، ارواښاد ته د لوي خداي (ج) د دربار څخه جنت الفردوس او محترم کورني ته ېي جميل صبر غواړي.
په درنښت،
الحاج غرزي خواخوږی
د خواخوږی ادبي او کلتوري ټولني مشر
د خواشنۍ او ډاډګيرني پيغام – د هلمند ژورنالستان
په زياته خواشنۍ سره مو خبر تر لاسه کړ چي د پژواک خبري اژانس ، شمشاد تلويزو او العربيه تلويزون خبريال جان الله هاشم زاده د نامعلومو وسله والو لخوا په بې رحمانه توګه هم دا نن د تورخم پر لويه لار شهيد کړل سو .
د هلمند ولايت ټول ازاد ژورنالستان د ارواښاد جان الله د شهادت په دې درانه وير او غم کي د مرحوم له کورنۍ او دوستانو سره ځان په بشپړه توګه ځان شريک بولي هغه کسان چي د ژورنالستانو په قتل لاس پوري کوي بايد په دې پوه سي چي په دې ډول به بريالي نسي چي د ژورناليزم د سپېڅلي مسلک لمن ورټوله کړي .
تير کال هلمند هم د يوې داسي وير جني پيښي شاهد وو چي ارواښاد روحاني يې له غيږي ووت . ځکه نو د هلمند ژورنالستان د الله جان هاشمزي د وير ښه ا ټکل کولاى سي . موږ به د الله جان هاشمزداده په شهادت وياړو ( د سپېڅلې دنده ، د شهادت مرګ ، بې ګناهي او د روژې مبارکه مياشت ) د انحضرت (ص) حديث دى (( په اخيره زمانه کي د نيکو انسانانو لپاره د مځکي تر سر د مځکي غيږ غوره ده )) .
په اخير کي د الله تعالي له دربار څخه د ارواښاد جان الله هاشمزاده درنې کورنۍ او دوستانو ته د جميل صبر دعا کو . او ارواښاد ته د فردوس جنګ غوښتونکي يو چي پيدا سوې تا ژړل خلکو خندا کړه داسي مړسه چي ته خاندي خلک ژاړي د هلمند ژورنالستان