لراوبر ویب پاڼه لراوبر يو افغان – تازه خبرونه
دکابل امنیې قومندانۍ چارواکو لر او بر ویبپاڼې ته تایید کړې چې نن ماښام نیږدې شپږ نیمې بجې دکابل ښار دسیرینا هوټل مخې ته ځانمرګی برید ترسره شوی چې له امله یې مرګ ژوبله رامنځته کړې خو لا تراوسه امنیتي چارواکو کوم شمیر ندی ورکړی، سیمه دپولیسو او امنیتي ځواکونو ترولکې لاندې ده، دا ډول دکابل دسیرینا هوټل ګارډانو هم دټوپکو خولې تشې کړي، بل لورته سیمې ته امبولانسونه لیدل شوي دي.
لاتراوسه سم او کره معلومات ددې چاودنې په اړه دخبریالانو په لاس کې نشته، دکابل پولیسو ډول ډول معلومات رسنیو ته ورکړي، ځینې معلومات وايي چې درې ځانمرګي بریدکوونکي هوټل ته ننوتي او لاتراوسه ندي نیول شوي، بل لورته ویل شوي چې دوه چاودنې ترسره شوي دي.
