لراوبر ویب پاڼه لراوبر يو افغان – تازه خبرونه
بهرنۍ رسنۍ خبر ورکوي چي د وزيرستان په پرونۍ حمله کي د القاعده شبکې مهم غړى ابو يحيى الليبي وژل سوئ دئ.
د دې خبر تائېد لا تر اوسه پاکستاني مقاماتو نه دئ کړئ، خو امريکايي استخباراتي چارواکو د اين، بي، سي او سي، بي، ايس تلويزوني شبکو ته وويل ابويحيى يې پرون د بې پيلوټه الوتکي په ذريعه وژلئ دئ.
ابويحيى په ٢٠٠٥ کال د مارچ په مياشت کي د بګرام له هوايي اډې څخه تښتېدلى و، چي پر نيولو يې لس لکه امريکايي ډالره انعام ايښودل سوئ وو.
د يادوني وړ ده چي د ابويحيى الليبي د وژني ادعا تر دې دمخه هم سوې وه، خو وروسته تر څو مياشتو نوموړى په يوه ويډيو عکاسي کي ژوندى ثابت سو.
