لراوبر ویب پاڼه لراوبر يو افغان – تازه خبرونه
واشنګټن پوسټ په خپله نننۍ ګڼه کی لیکی چی امریکا غواړی ۵۶۰۰۰ نور قراردادیان هم افغانستان ته راولیږی چی دا به د راروانو دیرش زره پوځیانو څخه علاوه وی . ورځپاڼه لیکی چی سپینه ماڼۍ غواړی دا جنګ تدریجأ خصوصی کړی . همدا اوس په افغانستان کی څه باندی یو لک ( ۱۰۰۰۰۰ ) قراردادیان شته دي چی په دې لیږنه سره به د هغوی شمیر څه نا څه ۱۶۰ زرو ته ورسیږی . دغه قراردادیان اکثریت امریکایان دي خو څه شمیر د نورو هېوادو او افغانستان څخه هم پکښی شامل دي چی وظیفه یې لوژستیک ، د اکمالاتو ځای پر ځای کول ، د ځایونو جوړول ، پوځی روزنه او په جنګ کی برخه اخیستنه ده .
د یو بل خبر له مخی چی د ایستونیا حکومت ورکړ ، ویل کیږی چی پرون په هلمند کی یو ایستونیایی عسکر د بمی حملې له امله ووژل سو . ایستونیا تر اوسه په افغانستان کی شپږ پوځیان تلفات ورکړي دي .
