افغان ولسمشر حامد كرزي په سعودي عربستان كې خپل رسمي سفر پاى ته ورساوه او ددغه هيواد له پاچا شاه عبدالله سره يو ځاى نن جرمني ته تللى.
ټاكل شوې چې دوى به يو ځاى د جرمني په مونيخ ښار كې په يوه نړيواله امنيتي غونډه كي ګډون وكړي.

د ولسمشر حامد كرزي يوه وياند احمد ضيا سيامك ازادي راډيو سره په خبرو كي سعودي عربستان ته د ښاغلي كرزي سفر ګټور وباله او ويې ويل ددغه هيواد پاچا د افغان ولسمشر هغه رسمي غوښتنه هم منلې چې په افغانستان كې د وسلوالو مخالفينو سره په خبرو اترو كې مرسته وكړي.

ټاكل شوې چې د مونيج په نړيواله امنيتي غونډه كي هم چې سبا پيليږي په افغانستان كې د سولې او امنيت په اړه بحث وشي.