د اتمر هوډ ( ماشومانو ته په مورنۍ ژبه ښوونه)
کونګی دی يې شي ژبی ترانی چه د اغيار وايی
مات يې قلمونه شه چوپړ چي د اغيار کوي
د افغانستان د پوهنی دوزارت د ملي زده کړو د پروکرام په وړاندی د افغان دښمنو ډلو فاشستی دريځ په وړاندی د ښاغلی اتمر دريځ قانونی بڼه لری . د کابل په ښونځيو کی په پښتو ژبه زده کړه دا زمونږ د ولس ملی او قانونی حق دی او هيڅوک نشی کولای چه دا حق زمونږ څخه واخلی .
پښتون قوم لکه چه تاريخ ثابته کړی د هيواد ټولو ژبو ته نه يواځی درناوی کړی بلکه هغه ژبی ئی لکه خپلی ژبی زده کړی دی . د کابل په ښونځيو کی په پښتو ژبه د زده کړی پروګرام د افغانستان د ولسي جرګی د غړي ښاغلی کابلی او د هغه په شان نورو ماجرا غوښتونکو فاشستو ستمی ډلو ملی ضد احساسات را پارولی او په ګوګل کې ئی ورته دمازيګر د سره تنور په شان لمبی تاوی کړی دی . ښاغلی کابلی چه د ولسی جرګی غړی هم دی د افغانستان د اساسی قانون په تصويب کې ئی خپل لاس جګ کړی وه که د کوم ايرانی اخوند لاس ئی دځان سره تالار ته را وړی وه ؟ که خپل لاس وه نو بيا ولی د خپل پاس شوی قانون د په وړاندی لجاجت کوی ؟ داسی ښکاری چه دا لاس دده نه وه د کوم ايرانی اخوند لاس وه او يا هم ړوند دی چه قانون نه وينی او يا هم بيسواد دی چه د اساسی قانون ١٦ او ٤٣ ماده نشی لوستلی ماته داسی ښکاری چه د ښاغلی کابلی څخه تعصب او فاشستی کينی د پښتو په وړاندی حتی خپله ژبه هيره کړی چه لوستل نشی کولای .
درنو لوستونکو!
زما په اند ښاغلی کابلی د ښاغلی دستګير پنجشيری، بشير بغلانی ،بصير کامجو او يو تعداد نورو معلومالحله ستمی فاشستانو په شان په رواني ناروغی مبتلا کسان دی چه درملنه ئی ددوی د ضمير په ويښيدو امکان لری اوبس ځکه دا ډله خلک تر دی اندازی په کينه کی لوی شوی چه د نورو ژبو خاصتا پښتو ژبی اوريدل ورته د خپل اولاد سره دتحمل وړ نده زه به تاسو ته دخپل سترګو ليدلی حال بيان کړم زه په اطريش کی ژوند کوم زما ميرمن د افغانستان د يو شريف تاجک قوم په يوی شريفی او با عزته کورنی کی لويه شوی او ددی کورنی د ښه تربيت يوه نښه دا ده چه زما بچيان ئی مور په دوه ژبو د تعصب څخه لری لو ی کړي .
زه يو ورځ د خپلو ملګرو سره په بانډار کی ناست وم چه ناببره می لور چه هغه محال د پينځو کلو وه راغله او په خوږه ژبه ئی راته ناری کړی پلاره ! پلاره ! هغه ته ګوره ما زوروی . په ناستو کسانو کی يو ه کس چه انجينر هم وه ماته مخ کړ او و ئي وويل : صافی صاحب وﻻ شما بسيا ر متعصب هستيد چرا همرای اولاد تان دری ګپ نه ميزنيد؟ ما چه کوم ځواب ورکړ نه غواړم ستاسو وخت پری ونيسم خو ددی ورځی شاهدان عبادی صاحب د افغانستان د راديو ممثل، ښاغلی انجينر باز محمد،اوښاغلی ډګروال نجيب دي.
بله په زړه پوری ورځ هغه دا چه زه می سانډو ښاغلی استاد عبدالله وفاه نورستاني کره چه دهيواد د ګوتو په شمارو انځورګرانو حفيظ الله وفاه زوی او دجنرال مبارک شاه نورستاني دټل د جبهی د قوماندان لمسي دی ناست وم چه يو ښاغلی د خپلی ميرمنی او بچو سره راغی او سره روغ بړ مو کړ زما لور چه پر ما ډيره ګرانه ده او ډيره ښکلی پښتو واېی زما سره وغږيدله ښاغلی ميلمه چه د کارمل په دوران کی ديپلومات وه ماته مخ کړ او وئی وويل : مردم لغمان سابق خوب بودند به فارسی ګپ ميزدند حا ﻻ متعصب شدند با اوﻻد پشتو ګپ ميزنند. اوس نو فکر وکړی چه دا بی کلتوره انسانان تر کوم سر حده په تعصب کی غرق دی چه حتی د اوﻻد سره په کور کی پښتو ويل ددوی ليونتوب توروي.
زه په هسکه غاړه دپښتون قوم د دی ماجراجويانو په وړاندی يو کلتور پال او د تعصب څخه خالي قوم ګنم چه د تاريخ په ټولو دورو کی د شاه محمود هوتک څخه مخکی او وروسته بيا تر ننه د هيڅ قوم او ژبی په وړاندی ندی دريدلی خو د خپلی ژبی لپاره کار او غږيدل که فاشيزم وي نو بيا ښاغلی کابلی او د هغه په شان کسان نو تر هيتلر بدتر فاشستان دی چه يواځی همدا يوه ژبه ئي کلکه نيولی او د ګاډی د اس په شان روزل شوۍ نور څه نه وينی .ددي ښاغلو او اغلو د تورونو د رد ښه ثبوت د پښتنو او پښتو ژبی دليکواﻻنو او شاعرانو لکه ستر خوشحال ، احمد شاه بابا ،سليمان ﻻيق ،روستار تره کی ،ستر تاريخپوهان علامه حبيبي،حسن کاکړ او په سلګونونور روڼاندان چه پښتنيی ميندو ورته په خپلو شيدو کی نورو ميندو خلاف د افغانيت ، ورولی او لوړ کلتور روح اوالهام ورکړی ليکنی او شننی په دری ژبو دی چرته دی دا ويده ضمير چه قضاوت وکړي دا ډله کور خود بينا مردم دی .
مونږ ښاغلی کابلی او دده په شان فاشستانو ته وايو ددي لپاره چه د پښتو نوم نشی زغملای کوشش وکړی چه يا ايران او تاجکستان ته پناه يوسی او که دلته پاتی شی ستاسی رواني حالت به د انتحار تر سرحده ورسيږی ځکه پښتو زده کړه اوس پوهنتون هم نيسی بيا به څه کوی؟ مجبور بيا به ځان وژنه کوی پدی بايد پوه شی چه اوس د افغان غول وخت ندی خاطر مو راحت کړی اوس پښتو چه ايرانی پيغلو د دربار په ديوالونو کی بندي کړي وه ديرش کاله وړاندی ازاده شوه .
او دا دی اوس کم او زيات پښتو خپل حقوق د قانون په رڼا کی د ښاغلی اتمر په شان په هيواد مين وزير په وجودتر لاسه کوی . هو! قوی هوډ کاڼی ماتوی نوځکه اتمر صاحب وائې ما د وزير په توګه د ملت،ولسمشر او ملي شورای سره ژمنه کړی چه اساسی قانون سره به سم عمل کوی او پدی لاره کی دده مخه هيڅ شې نشي نيولای. . که اتمر صاحب په خپل هوډ کی بريالی شی نو افغان ولس به يوه ورځ حتما د اتل لقب ور کړی بيا به ښاغلی کابل څه کوی . کجا بودی انروز اقاي کا بلی هنګاميکه قانونی صاحب کتابهای تدريسی وزارت معارف کشور را قاچاقی از کتابخانهای ضد افغانيت از ايران وارد ميکرد در ان زمان ملی بودی ويا کابلی يک خواهش دوستانه او اينکه کابلی اسم انسانهاي با فرهنګ کشور است به شما ملی يا ايرانی ميزبت .
دهغی ورځی په هيله چه پښتو خپل ملی او قانونی ځای د افغانستان په دولتی اداره کې تر لاسه کړی .
ويانا- استريا ٣١ \١٠\ ٢٠٠٧