د تېرې سه شنبه په ورځ د ولسي جرگې د فرهنگي، ديني او تعليمي چارو كميسيون اعلان وكړ چې بله سه شنبه به د اطلاعاتو او فرهنگ وزير له دې امله استجواب ته راغواړي چې د يو شمېر لوحو د بدلولو په گډون يې د ملي راډيو ټلويزيون د دري او پښتو خبري سروېسونو د يو ځاى كولو او په مزار شريف كې د سيمه ييزې راډيو مشر، خبريال او يو بل كاركوونكى دندې له دې امله معلقې كړې وې چې گواكې په خبرونو كې يې ايراني اصطلاحات ويل . د كلتور وزير استدلال كوي چې د اساسي قانون د شپاړسمې مادې پر بنسټ يې له هغوى څخه غوښتنه كړې چې په خبرونو كې دې ملي مصطلحات وكاروي .

په دې اړه ستاسو نظر څه دئ ؟