د بنګړيوالي مرګ

هغه د شنو بنګړو

 په مست سرور كې وركه

هغه مسته بنګړيواله جينۍ

هغه د ژوند له هره غمه څخه پاكه

او بېباكه پېغله.

هغه له بُغذ، كركې، حسد، ناخبره جينۍ

هغه د حُسن د سندرو سوداګره جينۍ

چا چې د ګل په پاڼو باندې رخڅولې

د راګونو اواره بُلبلې

او مستانه بُلبلې

÷÷÷÷÷÷÷÷

هغه د شنو بنګړو

په مست سرور كې وركه

هغه مسته بنګړيواله جينۍ

چا يې له ګوتو د سندرو بوخڅكۍ تسه كړه؟

چا يې بېشمېره خواهشات د زړګي قتل كړولو؟

چا يې په ښكلې سپرلني بدن خزان راوستو؟

[ څوك چې په بمي چاودنه كې مړه شوه ]

تاثير لراوبر ډاټ كام كوټه h.taseer@gmail.com