لراوبر ویب پاڼه لراوبر يو افغان – تازه خبرونه
افغان وتلی ملی او علمی شخصیت اود کورنیو چارو پخوانی وزیر ښاغلی علی احمد جلالی نن له غرمې مخکې کابل ته راورسید . د کابل په نړیوال هوایی ډګر کې د اردو او پولیسو یو شمیر لوړ رتبه جنرالانو او منسوبینو ، د ټولنیزو سازمانو مشرانو او استازو او ګڼ شمیر مخورو او قومی مشرانو د نوموړی تود هرکلی او روغبړ وکړ .
په هوایی ډګر کې ښاغلی جلالی د خبرو رسنیو له استازو سره خپل هېواد ته د راتک په اړه هیڅ و نه ویل ، مګر ویل کیږی چې نوموړی به د افغان ولس مشر حامد کرزی ، یو شمیر قومی مخورو مشرانو ، دولتی او غیردولتی چارواکو سره خبرې اترې ولری او هڅه کوې له دې لاری د سولې او ثبات په لاره کې له دولت او ولس سره د پخوا په شان مرسته او کمک وکړی .
ښاغلی جلالی له امریکا څخه په داسې مهال کې یو ځل بیا خپل هېواد ته را رسیږی ، چې د پخوا په پرتله
په هېواد کې پوځی او سیاسی حالات ډیر کړکیچن او ترینګلی شوی ، دولت او نړیواله ټولنه زیار باسی تر څود ستوزو د اواری لپاره یو ه مناسبه لار پیدا کړی .
