په خوست کې د ناټو دوه سرتیري وژل شوي دي.

دناټو په مشرۍ دایتلافي ځواکونو دوه سرتیري هغه مهال ووژل شول کله چې په دوی باندې په یوه کور کې چاودنه وشوه، پدی چاودنه کې دوه د ناټو سرتیري وژل شوي او پنځلس نور یې ټپیان شوي دي، دا ډول په همدې پیښه کې دملي پولیسو یو سرتیری او څلور عام وګړي هم ټپيان شوي دي، دا چاودنه دخوست ولایت دسبریو په ولسوالۍ کې ترسره شوی، دناټو ځواکونو له لوري لر او بر ویبپاڼې ته په راغلې خبرپاڼه کې ویل شوي چې یوه ډله په دې کار کوي چې د چاودنې له امله زیانمن په ګوته کړي، په دغه خبرپاڼه کې د ناټو دوژل شویو سرتیرو پیژندنه نده شوې.