په ودونوکې تاجکې انجونې نڅول کوم فرهنګ دی؟

واده دانسان په ژوند کې ځانګړي اوستره خوشحالې ده ، د واده پورې د ځوانانو هیلې اوامیدونه تړلې دی.
ترټولوښه واده هغه دی چې د داسلامې  دود دستورسره سم  ترسره شي په افغانستان کې نږدې ټول د اسلام اومسلمانۍ دعوه کوي  او دوی هغه مسلمانان دی چې  هریو په مسلمانې کې ځان  د نړۍ د بل هرمسلمان ځنې اوچت ګڼې ،که  د یوې خوا دافغانانو پوهه اوآګاهې داسلام په اړه په نشت حساب ده خوبل لورته د اسلام سره کلکه مینه لرې.

زمونږټولنه یوه اسلامې ټولنه شمیرل کیږی اوسنې ولسواکۍ که یوڅه اغیزپری کړﺉ خوبیاهم  زمونږ خلک په عقیده کې بد نه دی.

د نظامونواوسیستمونوپه اړه که بحث وکړو خبره اوږدیږې. داسلام مقدس دین په ظهورسره د جهل اوباطل لمنه ټوله شوه،خود مسلمان ترټولوستردښمن (شیطان) نه غواړې چې مسلمان  ترې په امن کې پاتې شي . شیطان تل په هڅه کې دی چې مسلمان د ځان ملګرې کړي اودنیا اوعقبې ېې دواړه ورخراب اود ابدې بدمرغۍ ته ېې ورسوي.

دجمعې مبارکه ورځ وه ، غوښتل مې چې د جمعې د لمانځه د اداء په موخه یومزدک (جومات) ته ولاړشم اود جمعې لمونځ په جماعت سره اداء کړم ، زمونږ د مزدک  خطیب چې غوسه بریښیده خپلې خبرې یې د حمداوثناء وورسته  په دی ډول پیل کړﺉ هغه وویلې نه پوهیږم موږڅه ډول خلک یو؟ د څولسیزوناخوالو اومصبیتونوپه تیرلوسره اوس هم نه سمیږو،انسان دهرې ستونزی د زغملووورسته پخپل ځان کې سمون راولې  بد صفتونه چې د بدمرغۍ لامل ګرځې له ځانه ځنې لیرې اوزایلوی، خویوشمیربدانسانان بې باکه وی، خطیب وویلې د موبایل ټیلفون د بلوتوت له لارې مې یوکلیپ ولیده چې کوم چا د کندوزپه نوم د ودونوپه هوټل کې څوتنه تاجکۍ انجونې راوستې وی،انجونې ېې نڅولې اودشرابوبوتلونه ېې په سراړول هغه دهوټل له څښتنه ځنې په جدی توګه وغوښتل چې نور دی دخدای له ویرې داډول کړنوته په هوټل کې اجازه نه ورکوي هغه وویلې دعبرت لپاره خلک باید داکلیپ وګورﺉ،ښه دی اوس زمونږ مولیانو هم عصرې ټکنالوژې باندی سمبال شوی ، دهغه دی کور ودان وی خپل زړه خو ېې تش اومسوولیت یې اداء کړ، که چیرې دی خبرې متوجه شوپه ریښتیا هم بده خبره ده ځکه  له یوې خوا افغان ولس اوس هم هره ورځ په ژړا سترګې سرې وی اوپه یونه یو ناورین دغم ساندی وایې  چیرې دی احساس! چیرې دی دبل سره دغم شریکې فرهنګ! دیو حدیث له مخې مسلمانان د یوجسدپه څيردی که چیرې دجسدیا کالبوت یوه برخه په درد اویا ناراحته شي  ټول بدن ورسره په درد وی اوورځنې کړیږې.

که نن په سهیل کې د یو افغان کور ورانیږې په کارده چې په شمال کې مسلمان ورسره غمشریکې وکړې آن که دنړۍ په هرګوټ کې  مسلمان زوریږې بل مسلمان باید ورباندی خپه اوغم کې ورسره ځان سهیم وګڼې هله به داسلام پوره دعوه ولری.

بل لورته دګاونډی هیواد ځنې انجونې راوستل زمونږفرهنګ نه دی،منوچې واده یوه خوښې ده په ودونوکې زموږخلک یوڅه خوښې کوي  خوپه خوښې کې  داډول افراط د دین دټولواصولوسره په ټکر کې لویدل دی ،نن که تا شتمن صیب! داکار وکړ سبا یې بل کوي اوسوکه سوکه به په ټولنه کې دود شي په پاې کې به ېې  مسوولیت دچاپرغاړه وي؟

کړیدلې اسلامې ټولنه به نوره هم دپردیو د بدو فرهنګونو او دودونوښکار شي ته صیب! خویې هسې هم په کیسه کې نه ېې تل په خپلوهوسونواومزوچړچوکې ډوب ېې خومهاربه ېې ستاهغه  مظلوم ولس ته ډیرګران تمام شي چې غم اوفکر ورسره مل اوکلونه کلونه ېې سختې شپې ورځې تیرې کړی دی هغه مظلوم  هره ورځ د نورو دګټولپاره په سرووینوکې لمبیږې. هسې خودنړۍ په ډالرې باران کې په هیواد کې هیڅ هم ونه شول ټول ډالراویورو شخصې بانکې حسابونو ته لاړی ډبره په ډبره  نده کینښودل شوی تاجکۍ انجونې چې کومې پیسې له ځانه سره د خوار ولس له جیبونونه  وړی دکړیدلې ولس وینې دی چې تا صیب!په خپل شیطانې چلوونوپه لاس راوړی دی  دابه کوم وجدان ومنی!

یوشمیرصاحبان خودخپلورخصتیدو اوساعتیرو تیرولو لپاره تاجکستان ته تشریف وړي ، له هغه ځایه چې مزې چړچې ېې کړی تش جیبونه راوګرځې د تاجکیوانجونو کیسې د خپلوملګرو اوهمزولو په منځ کې کوی په دی بلنې سره ورځ تربلې د تاجکستان دعیاشې کاروان په  شمیرکې زیاتوالې راځي،نوپه دی اساس تاجکستان ته دایو ښه مارکیټ ګڼل کیږی، خوصاحبانو یې کور ته راولی.

په ودونوکې بیځایه اوفضول خرچه کول په اسلام کې هیڅ کوم اصل نلرﺉ، په ودونوکې هرډول افراط اواسراف  دخدای ج دقهراوغوسې لامل ګرځې چې په پای کې مرتکب  ته دندامت اوپښمانتیا نه پرته بل څه په لاس نه ورځي  ،واده د راتلوونکې ژوند لپاره یوتړون دی له واده وروسته ځوان اوپیغله  دیونسل اواولاد لپاره ته سترګې پرلاره وی ،هغه ودونه چې د نورو په دود ترسره کیږې په هغې کې دهیڅ خیراوبرکت تمه نشته.