لراوبر ویب پاڼه لراوبر يو افغان – تازه خبرونه
هغه غونډه چې په همدې موخه دځوانانوچاروامریت په تالار کې جوړه شوې وه په غونډه کې دځوانانوامریت مسوولینوبرسیره دولسواليو او مرکززيات شمير ځوانانو ګډون پکې کړی وو دوي ديونېسف مرستو څخه مننه وکړه ولې ټولوپه يو اواز سره وويل ديونېسف مالي امکانات چې دولتي ادارو ته ورکول کيږي په شفاف او دیومنظم سیستم له لارې نه مصرفيږي دځوانانوشورايوتن غړي ولي خان توتاخېل ديونیسف څخه وغوښتل دهغو ادارو سره چې تاسې مرسته کوئ په هماغه ریاست پوری تړلې یوه ځانګړې اداره جوړه کړئ ترڅو هغه مرستې چې دوی سره کیږي دهمدې ادارې له لارې باید ولګول شي دهغه په قول دځوانانو اړیکو اومعلوماتومرکز یی یو ښه بیلګه ده چې دځوانانولپاره بیلابیل پروګرامونه پرمخ وړي دهمدې شورایوبل تن ځوان طاهرشاه دیادې موسیسې وغوښتل چې باید په دې سیستم کې بدون راشي ترڅوپه وړاومناسبوکارونوباندې ديونسيف بوديجه ولګول شي وروسته ديونېسف داستازو لخوا د راتلونکي دوه کلن پلان لپاره دځوانانو نظرونه واوريدل شول ديونيسف يوتن استازي ډاکتروزيردځوانانودراتګ څخه دمننې ترڅنګ دوی ته ژمنه ورکړه او ویې ويل ستاسو نيوکې پرځای دي ستاسې نظرونو ته به په کارونو کې دښه والي لپاره حتما ځای ورکړو.
دامهال یونیسیف موسیسه دځوانانو چاروامریت ،روغتیا ریاست ،کلیوپراختيا رياست، پوهنې ریاست او همدارنګه دکاراوټولنیزوچارو ریاست سره په بیلابیلو برخو کې مرستې کوي ولې ددوی زیات تمرکز دماشومانو پربرخه وي.
