لراوبر ویب پاڼه لراوبر يو افغان – تازه خبرونه
د آسوشيېټډپرس خبري آژانس خبر ورکړ چې د ماليزيا پخوانی صدراعظم مهاتیر محمد د هالينډد پارلمان د نماينده د فتنه ګرۍ نه ډک د« فتنې» په نامه هغه فیلم چې د قرآني ضد تبليغ يې کاوه، د هغه سره د غبرګون په خاطر نن (يکشنبه) د نړۍ د ټولو مسلمانانو او اسلامي دولتونو څخه و غوښتل چې په هالينډ کي جوړ سوي محصولات دي تحريم او د هغه د پېردلو څخه دي ډډه وکړي، ترڅو په راتلونکې کې ددغه شاني تحريک آميزه او اهانت باره کارو څخه ډډه سوې وي .
“ګرټ ويلډرز”، چې د هالينډ په پارلمان کې د ښی اړخي ګوند استازی دی تيره پنجشنبه يې په يوه انټرنيټي سايټ کې خپل د «فتنې» په نامه قرآني ضد فیلم خپور کړ . ددغه فتنه اچوونکی فيلم سره د نړۍ عامه افکاروسخت غبرګون وښود، په اسلامي هيوادو کې د فیلم پر ضد پراخي مظاهرې ورباندي وشوې اوهغه يې سخت و تراټه . ويل کيږي چې نوموړی فیلم يوه ورځ باد د سايټه څخه ليري کړل شو .
