لراوبر ویب پاڼه لراوبر يو افغان – تازه خبرونه
دكندهار په ناآرامه ولسوالي ژېړۍ كې ديوې بمي چاودنې په ترڅ كې دوه كاناډايي سرتېري ووژل شول او درې نور ټپيان شول .
دناټو له لوري خپره شوې اعلاميه دوژل شويو كسانو پخلى كوي خو دهغوى هويت نه ښيي اما دكندهار امنيتي چارواكي وايي چې مرګ ژوبله كاناډايي ځواكونو ته ور اوښتې ده .
په دغه چاودنه كې چې تېره ورځ وشوه دافغان پوځ يوسرتېرى او دكاناډايي ځواكونو يوژباړن هم وژل شوي دي .
تېره ورځ هلته سختي بمبارۍ هم شوي دي . ژېړۍ دكندهار ترټولو ناآرامه ولسوالي ده او دجنګ جګړو، چاودنو او وژنو راپورونه يې هره ورځ تررسنيو رسېږي ، داوسېدونكو ډېره برخه يې كډه شوي او دهري ورځې په تېرېدوسره يې باغونه مخ پر وچېدو ښكاري
