وسله والو کسانو څو شيبې مخکي يو سويډنی تبعه چي ويل کېږي خبريال وو ويشتلی او وژلی دی.
دکابل څخه دلراوبر همکار خبر راکړ چي پېښه نن غرمه پر یولس بجې او اووه ویش دقیقې دکابل دوزیر اکبر خان پر پنځلسم سړک رامنځته سوه چي په پايله کي دغه ژورنالیست لومړی زخمي سو خو وزیراکبرخان روغتون ته د رسېدو سره يې ساه ورکړه.
يوې سرچينې لراوبر ته وويل چي دغه کس د يوه رستورانټ مخته ولاړ و چي يوه وسله وال پر سر په توپنچه ووېشتئ.
امنيتي کسانو د دوو شکمنو کسانو د نېول کېدو خبر ورکړی دی.خو د وژل سوي كس په هكله جزيات نه دي وركول سوي.
بله خوا طالبانو په دې اړه بېخبري ښوولې ده.