په انګلستان کښي د شلو کالو راهيسي ديو قسم اغزنو بوټو خوړلو نړيوالي سيالۍ چي تراوسه لا په اولمپيک کښي نه حسابيږي؛ ترسره کيږي، نوموړي سيالۍ دغه کال د [ډورسیټ]نومي ښار چي د انګلستان په جنوب-لويديځ کښي موقعيت لري ترسره سوې؛ چي پکښي له اسټراليا او کاناډا څخه راغلو خلګو هم ګډون کړئ  وو. دنوموړي سيالۍ موخه په يوه ساعت کښي دزياتو اغزنو بوټو خوړل دي.

ددې سيالۍ د ۲۰۰۸ کال ګټونګی ۲۹ کلن ځوان [بريټ پاول کولينس] چي شل متره اغزن بوټي يې خوړلي دي ، د راتلونکي کال سياليو ته هم د ګډون علاقه وښودل .

دنوموړي سيالۍ ديوه ګډونکونکي په نظر دا هم ځانته يو هنر دئ  چي څوک اغزن لرونکي بوټي خوري او ورپسې اوبه څښي، خو څوک چي اوبه يا بل څه نه پسي څښي ژبه  يې توره او شونډان به يې پړسيږي .