لراوبر ویب پاڼه لراوبر يو افغان – تازه خبرونه
نن په زرګونو هسپانويان په لارو او کوڅو کښي د فوټبال د اروپايي اتلولۍ جام په خپلولو خوشالي کوي .
هسپانيې برايي په ويانا کښي جرمني ته په ۳۳ مه دقيقه کښي ۱-۰ د پېرنانډو توررز لوبغاړي په توپ ماتي
ورکړه .
لوبغالي ته د جرمني د صدراعظمي تر څنګ د هسپانيې پاچاجان کارلوس او ملکه صوفيه هم راغلي ول؛ چي لوبغاړو ته يې د زړه له کومي مبارکي وويل .
د هسپانيې د فوټبال فدراسيون له لوري به لوبغاړو ته د اتلولۍ د ګټولو په موخه ۲۱۴ دوه لکه و څوارلس زره ايرو بيلي کړل سي .
بل لور ته په زرګونو جرمنيان دخوښۍ لمانځلو په موخه په برلين کښي سره راټول شوي ول؛ خو د هسپانيې دې ماتي خواشيني کړل :
هسپانيې ته دې دا خوشالي مبارکه وي ، کاش چي زموږ ولس هم دداسي اتلوليو ترلاسه کولو په ارزښت پوهيدای ، يا يې ددې فرصت لرلای چي داسي خوښي ونمانځي .
موږ لا د کرکټ د اتلولۍ ګټلو خوښۍ نه وې پر ځای کړي چي پر له پسې غمونو واوښتو ، موږ هره ورځ غمونه نمانځو ، د خپلو خلکو غمونه ، د وژنو ، ژوبلولو ، نړېدلو ، بې موره کېدلو ، بې پلاره کېدو ، بې کوره کېدو او بې برخليکه کېدو غمونه !