کور / تازه خبرونه / د خوست ولایتي روغتون ټولو ډاکټرانو او … د کار نه کولو …

د خوست ولایتي روغتون ټولو ډاکټرانو او … د کار نه کولو …

د خوست ولايتي روغتون ټولو ډاكټرانو او د عامې رغتيا رياست يو شمير كاركونكو د كار د نه كولو اعلان كړى


د كاربندۍ په دغه اعلان كې لسګونه ډاكټران برخه لري. دوى د تيرې ورځې راپديخوا د خوست په ولايتي روغتون كې پرته له عاجلو پيښو د نورو ناروغانو له كتلو ډډه كوي.


دوى له دولت څخه د نوى پيل شوي روغتون معياري جوړنه ، وركړل شوې دوه سوه جريبه ځمكه او د سرپنا غوښتنه لري.


خو خوست والي د دوى دغه كار بندي يو غير قانون ګام بللى.


د خوست ولايت دغه شمير ډاكټرانو د تيرې ورځې راپديخوا په ولايتي روغتون كې ټولې روغتيايي چارې په ټپه درولي دي.


دوى له عاجلو پيښو پرته نور هيڅ ډول ناروغان نه ګوري.


دغه شمير ډاكټران چې د عامي رغتيا رياست يو شمير كاركوونكي يې هم ملاتړي دي له دولت څخه درې غوښتنې لري.


دوى وايي چې د نوي دوه سوه بستريز روغتون چارې په غير معيار ډول روانې دي او په نقشه كې يې ستونزې دي  همدارنګه هغه دوه سوه جريبه ځمكه چې د جمهور رئيس په فرمان دوى ته وركړل شوې وه د خوست ادارې په نورو برخه كې كار ولې، او بله غوښتنه يې د سرپناه ده چې په وينا هيڅ ډاكټر ته د سرپناه لپاره ځمكه نه ده وركړل شوې.


د كاربندې دغه اعلان چې د تيرې ورځې راپديخوا شوى دى ، ناروغان او ناروغ لرونكي يې  له سختو ستونزو سره مخامخ كړي دي دوى له دولت څخه  غواړي چې د دوى ستونزې ژر تر ژره ور هوارې كړي.


بلخوا خوست والي د دوى دغه ګام غيرى قانوني بللى دىاو وايي چې دوه سوه جريبه ځمكه دوى په معين وخت كه نه ده كارولې او همدارنګه د سرپناه ستونزه يې د ځينې ډاكټرانو شخصي غوښتنه وبلله .


د خوست د والي په وينا كه چيرې هر ارګان د يو كال په موده كې له ټاكل شوې ځمكې ګټه پورته نه كړي نو زراعت رياست حق لري چې ځمكه بيرته واخلي.


ډاكټرانو ګواښ وكړ چې كه د دوى غوښتنو ته دولت مثبت ځواب ونه وايو نو د عاجلو ناروغانو له كتلو به هم ډډه وكړي او كاربندي به لا پسې وغځوي.

تبصره نسته

  1. ټولو ورونو ته سلامونه،
    دایو حقیقت دی چې ډاکټر دټولنې خدمت ګاردی او باید په پوره ایماندارې سره خپله دنده ترسه کړی ډاکټر باید دمادیاتو په وړاندې د خپل ګران هیواد دخوار ولس دخدمت څخه بايد ځان شاته نه کړی دخوست به روغتون کې جګه شوې مسله چې یوشمیر بېسواده ډاکټرانو بکې دخپلې بېسوادۍ مظاهره کړې ده د امیربادشاه منګل او مجید منګل دسېسه ده چې بېسوادان یی له ځان سره مل کړی او دخوار ولس دخدمت څخه یې ځان نونه ګوښه کړی دی .
    امیر بادشاه منګل او مجید منګل چې دخوست له روغتون څخه ېې د دوایاو او د پی ار ټی د ورکړل شوو وسایلو څخه یې دغلا کول له خلکو پټ نه دی همیشه کوشش کړې دی چې د یوشمیر بېسواده ډاکټرانو چې یوه دوه میاشتی یی د ابتدایی طب کورسونه ویلی دی په ټوله مانا داستعمال څخه ګټه پورته کړی او خپل کبان ونیسی ،دادوه تنه مسلکی غله اوس داددې د پی ار ټی د ورکړل شوو وسایلو او داۍ ام سی دورکړل شوو دویانو په غلا ماړه نه شول اوس یی دخوار ولس د مظلومو خلکو د تداوۍ څخه هم د بدې استفادې مټې رانغښتی دی .
    د صحت عامې وزارت باید زرترزره پورتنی دوتنه غله محاکمه او د خپلو دندو څخه منفک کړی او یو شمیر هغه بېسوادان چې دې دوو تنو او د کندهار د پوهنتون دطب پوهنځی د دویم کال ناکام شاګرد ډاکټر سخی سردار په واسطو مقررشوی دی باید وشړی
    مننه
    ډاکټر ملنګ

  2. ډيره بده خبره ده چي د پېسو لپاره دخلكو تداوي پريږدي