لراوبر ویب پاڼه لراوبر يو افغان – تازه خبرونه
شاعر: عزت الله ذکي
لږ نظر کړه آې ذکيه لېونيه
ژوند سفر ده آې ذکيه لېونيه
<<<>>>
مسافر دي ټول ستنيږي له دنيا نه
ځان چمتو کړه آې ذکيه لېونيه
<<<>>>
په خندا وي که ژړا ژوندون تېريږي
تـل ژړا کړه آې ذکيه لېونيه
<<<>>>
ټول د مرګ په انتظار قبر ته درومي
نن ستا وار ده آې ذکيه لېونيه
<<<>>>
نيت صفا کړه که منزل اسانه مومې
زړه ښيښه کړه آې ذکيه لېونيه
<<<>>>
ربه موږ پر مستقيمه لاره سيخ کړې
دا دعا کـړه آې ذکيه لېـونيه
۲۰۱۸/مارچ/۳مه
کندهار
