لراوبر ویب پاڼه لراوبر يو افغان – تازه خبرونه
قاري / يوسف احمدي 2008-07-20
تيره شپه دولس بجې ،د هلمند ولايت د کريشک ولسوالۍ په بازارکې چې د کندهار – هرات پرلويه لاره پروت دی ، داسلامي امارت د مجاهدينو او دکابل ادارې دپوليسو ترمينځ درنده جګړه شوي ده .
مخامخ جګړه هغه مهال رامينځته شوه چې کله ګڼ شمير مجاهدين چې شمير يي سلوتنوته رسیدی ،په بازارورننوتل او دبازار دمحبس ، قوماندانۍ ، دکريشک دويالې پرغاړه يي دښمن ته څوځايه کمينونه ونيول .
د کمينونوپه لړ کې پردښمن خونړي بريدونه پيل شول چې په ترڅ کې يي دپوليسو يورينجر موټر دراکيټ خوراک شوی او شل تنه نورپلي او سپاره عسکر يي ووژل شول .
په درنده جګړه کې دوه تنه طالبان هم ژوبل شوي ، ددښمن له خوا تردوه ساعته سخت مقاومت وروسته مجاهدين په خوندي توګه د خپلومرکزونوپه لورستانه شوي دي .
دیادوني وړده چې دالومړۍ ځل نه دی چې مجاهدين ددې ولسوالۍ په بازارکې ددښمن په وړاندې عمليات تره سره کوي ،بلکې څه موده مخکې هم ددې ولسوالۍ ،قوماندانۍ ، خاد،ښاروالي او محبس پر ودانيوچې ګڼ شمير پوليس او داجيرې اردو عسکر پکې ميشت دي ،ورته بريد ترسره شوی وو.
ددې پېښي په اړه د کندهار چارواکو يا ناټو تر اوسه پوري په رسمي ډول څه نه دي ويلي .
