کتابتون : [د التراسونډ طبي کارول] د ډاګټر سلطانزي ځدران اثر

نن ورځ چي د کمپيوټرپوهنه، طبيعي علوم او د ساينس هر اړخيزه ټکنالوژي دومره پرمخ تللې ده؛ چي د کتابونو ليکل د پخوا په پرتله ډېر اسان شوي دي؛ نو زما هغه پخوانی ارمان هم ورسره سم سرته رسيږي.

ددې دپاره چي د پوهنتون په کچه د افغان ځوان نسل وکولائ سي زما د لکچر نوټونو څخه لکه : فزيک، رياضي، راډيولوژي، راډيوتيراپي او طبعي فزيک په ځانګو کښي په افغانستان او ټوله نړۍ کښي هر وخت ګټه تر لاسه کولای شي؛ نو ددغي موخي لپاره مو د انټرنيټي اسانتيا له ګټي اخيستلو سره يوه ځانګړې پاڼه هم جوړه کړې ده:

sultansei.de

 دا يو څرګند حقيقت دئ چي د انسانو په ټول تاريخ کښي درمل پوهنه تر هرڅه ډېر اهميت درلودی  او هم يې لري؛ دا ځکه چي پوهنه او روغتيا د يوبل سره سم سيخ تړاو لري لکه چي يو متل وايي :

[عقل سالم دربدن سالم است]، نن ورځ چي ساينس او ټکتلوطي د پخوا په پرتله ډېر پرمختګ کړئ دئ نو د هغې سره سم د طب په څانګه کښي هم د ناروغيو په پېژندنه او درملنه کښي نوي کړنلاري او تخنيکي آلې منځ ته راغلي دي .

څرنګه چي په هيواد کښي په پښتو ژبه د طب په څانګو کښي په لوړه پوهه کچه لا تراوسه هم ډېر لږ کتابونه ليکل شوي دي؛ ددې کتاب ليکوالانو خپله ملي او اسلامي دنده وګڼله چي نوموړي نيمګړتياوي په پام کښي ونيسي او تر خپله وسه يې پوره کړئ، دغه کتاب د طب پوهنځۍ استازانو او د هغو زده کوونکو لپاره چي په لوړو سيميسټرونو کښي په زده کړه بوخت دي او يا په نوموړي څانګه کښي تخصص کوي؛ خورا ګټور دئ 

څه ساده دئ دا پښتون چي تربګني کا
زه د زړه ويني په څښم دی دښمني کا

خلګو لاندي تر پښو ستوري و سپوږمۍ کړه
دی لا دوو ميږو ته ناست دئ او شپني کا

د اتوم او طبي فزيک متخصص ډاګټر نظرمحمدسلطانزي ځدران  او د راديولوژيکي څانګي متخصص ډاګټر غازي محمد سلطانزي ځدران

د جرمني ښار – اګست ۲۰۰۷ زېزديز کال