لراوبر ویب پاڼه لراوبر يو افغان – تازه خبرونه
د امريکا يوې ورځپاڼي ليکلي دي چي د پاکستان دولت او مطبوعات په دې خبره خورا عصباني دي چي د امريکا دولت به په دې هيواد کي دطالبانو په ځپلو کي يو اړخيزه دخل اندازي وکړي .
د انټرنيشنل هيرالډ ټريیبون ورځپاڼي ليکلي دي چي د امريکايي چارواکو غوڅي خبري چي په پاکستان کي به د القاعدې او طالبانو پر ضد به يو اړخيزه اقدام کوي ، دې خبري د پاکستان دننه مطبوعات او دولتي چارواکي زیات اندېښمن کړي دي . مطبوعاتو ويلي دي چي داسي يو کار به خراپي پایلې د ځانه سره ولري .
ددې ليکني ليکوال ” جین پرليټز” وايي :د پاکستان مطبوعات په تيره اوونۍ کي دداسي تبصرو نه ډکي خبري درلودلې . په دغو تبصرو کي راغلي وه چي د پاکستان د اجازې پرته به د امريکا حملې،په پاکستان کي امريکايي ضد ولسي احساسات را وپاروي چي کېدای سي د نوي ناپوځي دولت مزي ورسست کړي . د پاکستان يو لوړ رتبه چارواکي هم ګواښ کړی وو چي د امريکا حملې به «بلواوي» را وزېږوي . خو امريکايان اوس دلته د خپلو اقداماتو د منفي نکتو په را پورته کېدوکي ری نه و هي .
